هەوڵەكان بۆ خەرجكردنی دەرماڵەی 100 هەزار دیناریی خانەنشینان بەرەوامن

PUKMEDIA

خانەنشینێك لەكاتی وەرگرتنی مووچەكەیدا

هەرچەندە تائێستا هیچ بڕیارێك بۆ خەرجكردنی دەرماڵەی 100 هەزار دیناریی خانەنشینانی هەرێم نییە، بەڵام وتەبێژی یەكێتیی خانەنشینانی كوردستان دەڵێت: بێهیوا نین و لە هەوڵەكانمان بەردەوام دەبین.

لەوبارەیەوە سادق عوسمان، وتەبێژی یەكێتیی خانەنشینانی هەرێمی كوردستان، رایگەیاند: دەبوو لە 1ی كانوونی دووەمی ساڵی 2025 ەوە دەرماڵەی 100 هەزار دیناریی خانەنشینانی هەرێمی كوردستان دابەشبكرایە، بەڵام ئەوە ساڵێك تێپەڕیوە ئەو دەرماڵەیە دابەش نەكراوە و قەرەبووی ئەو  ساڵە زەحمەتە، بەڵام هیوادارین لە داهاتوو دابەشبكرێت.

راشیگەیاند: هەرچەندە تاوەكو ئێستا هیچ بڕیارێك بۆ خەرجكردنی نییە، بەڵام بێهیوا نین و لە هەوڵەكانمان بەردەوامین، چونكە دۆخی خانەنشینان خراپە لەكاتێكدا ئەوان ناتوانن كار بكەن كە هەندێكیان نەخۆشیی درێژخایەنیان هەیە یان كرێنشینن. 

ئەمەش لەكاتێكدایە، دەرماڵەی 100 هەزار دیناریی ئەو خانەنشینانە دەگرێتەوە كە مووچەی خانەنشینییان لە ملیۆنێك دینار كەمترە.

PUKMEDIA