داوا دەکرێت نەخۆشخانەیەکى گەورەى شێرپەنجە لە سلێمانیش دروستبکرێت

PUKMEDIA

نەخۆشخانەى هیوا

بەڕێوەبەری گشتیی تەندروستیی سلێمانی رایگەیاند: پلانێکی درێژخایەنمان بۆ دروستکردنی نەخۆشخانەی هیوای گەورە داناوە و داوا دەکەین کە چۆن بڕیار دراوە نەخۆشخانەی شێرپەنجە لە هەولێر دروستبکرێت، بڕیار بدرێت ئەو نەخۆشخانەیە لە سلێمانییش دروستبکرێت.

د. سەباح هەورامی، بەڕێوەبەری گشتیی تەندروستیی سلێمانی، لە کۆنفراسێکی رۆژنامەوانیدا رایگەیاند: پلانێکی درێژخایەنمان بۆ دروستکردنی نەخۆشخانەی هیوای گەورە داناوە، بۆ ئەو مەبەستەش دوو زەوی دەستنیشانکراون کە هەردوکیان گەورەن و جێگەی نەخۆشخانەیەکی باشی تێدا دەبێتەوە و دواتر یەکێک لەو دوو زەوییە هەڵدەبژێردرێت.

ئاماژەی بەوەشدا: داوا لە ئەنجومەنی وەزیران، سندووقی شێرپەنجە و وەزارەتی تەندروستی دەکەم، کە چۆن بڕیاریانداوە نەخۆشخانەی شێرپەنجە لە هەولێر دروستبکرێت، بڕیار بدرێت ئەو نەخۆشخانەیە لە سلێمانییش دروستبکرێت.

PUKMEDIA