قوتابخانه‌یه‌كی 18 پۆلی له‌ چه‌مچه‌ماڵ دروست ده‌كرێت

بەڕێوەبەرایەتی گشتی پەروەردەی سلێمانی

عەتا محەمەد و بەڕێوەبەری گشتی پەروەردەی سلێمانی

 لە پێناو ئاسایی کردنەوەی دۆخی خوێندن لە سنووری سنووری پەروەردەی چەمچەماڵ، قوتابخانەیەکی 18 پۆلی بۆ سنوورەکە دروستدەکرێت و بەڕێوەبەری پەروەردەی سلێمانیش رایدەگەیەنێت: به‌ به‌رده‌وامی هه‌وڵ ده‌ده‌ین قوتابخانە زیانلێکەوتووەکان نۆژەن بکرێنەوە یان قوتابخانه‌ی نوێ دروست بكه‌ین.

ئەمڕۆ 4ی1ی2026، عەتا محەمەد سەرپەرشتیاری كۆمسیۆنی فریاگوزاری و بوژاندنەوەی چەمچەماڵ بە هاوەڵی مامۆستا نەژاد عەبدوڵڵا بەڕێوەبەری گشتی پەروەردەی سلێمانی، لەگەڵ تیمی ئەندازیاری و ژمێریاری و خزمەتگوزاری لە بەڕێوەبەرایەتی گشتی پەروەردەی سلێمانی سه‌ردانی په‌روه‌رده‌ی چه‌مچه‌ماڵیان كرد، به‌مه‌به‌ستی دروستكردنی قوتابخانه‌یه‌كی 18 پۆلی، کە له‌سه‌ر ئه‌ركی (كۆمپانیای ساوس كوردستان) بۆ خزمه‌تی خوێندكارانی سنووری چه‌مچه‌ماڵ دروستدەکرێت.

 لەو سەردانەدا، به‌رێوه‌به‌ری گشتی په‌روه‌رده‌ی سلێمانی سوپاسی هه‌وڵه‌كانی نوسینگه‌ی جێگری سه‌رۆكی حكومه‌تی هه‌رێمی كوردستان و كۆمسیۆنی فریاگوزاری و بوژاندنەوەی چەمچەماڵی كرد، كه‌ له‌گه‌ڵ هه‌موو لایه‌نه‌كان له‌سه‌ر هێڵن به‌مه‌به‌ستی بوژانه‌وه‌ی چه‌مچه‌ماڵ.

بەڕێوەبەری پەروەردەی سلێمانی ئاماژه‌ی به‌وەشکرد: به‌ پشتیوانی هه‌موو لایه‌ك، هه‌وڵ ده‌ده‌ین قوتابخانە زیانلێکەوتووەکان نۆژەن بکرێنەوە یان قوتابخانه‌ی نوێ دروست بكه‌ین.

PUKMEDIA