پزیشكی دادی سلێمانی: له‌ساڵی رابردوودا 835 حاڵه‌تی گیانله‌ده‌ستدان تۆماركراوه‌

بەڕێوەبەرایەتی هاتوچۆی سلێمانی

رووداوێکی سەختی هاتووچۆ

پزیشكی دادی سلێمانی ئاشكرایده‌كات یه‌ك له‌سه‌ر چواری حاڵه‌ته‌كانی گیانله‌ده‌ستدان له‌ساڵی رابردوودا به‌هۆی رووداوی هاتوچۆوه‌ بوون.

د. به‌ختیار ره‌شید، پزیشكی دادوه‌ری رایگه‌یاند، له‌ساڵی 2025دا 835 حاڵه‌تی گیانله‌ده‌ستدان له‌پزیشكی دادی سلێمانی تۆماركراون.

له‌و رێژه‌یه‌ش 226 حاڵه‌تیان به‌ رووداوی هاتوچۆوه‌ بوون كه‌ ده‌كاته‌ رێژه‌ی یه‌ك له‌سه‌ر چواری گیانله‌ده‌ستدانه‌كان‌ و زۆرترین حاڵه‌تیش له‌مانگی تشرینی دووه‌م بووه‌ كه‌ 29 حاڵه‌ت بوون.

به‌ پێی ئاماره‌كانی پزیشكی داد، له‌حاڵه‌ته‌كانی گیانله‌ده‌ستدان به‌رووداوی هاتوچۆ 183 له‌ره‌گه‌زی نێر‌و 43 ره‌گه‌زی مێ بوون، هاوكات 34 حاڵه‌تی گیانله‌ده‌ستدان به‌هۆی ماتۆڕ‌سكیل‌ و 31 حاڵه‌ت پیاده‌ڕ‌ه‌‌و ‌و 161 حاڵه‌تیش به‌هۆی رووداوی ئۆتۆمبێله‌وه‌ بوون.

PUKMEDIA