بەریتانیاو فەڕەنسا حەشارگەیەكی تەقەمەنی داعش لەسوریا بۆردومان دەكەن

theguardian

بەریتانیاو فەڕەنسا حەشارگەیەكی تەقەمەنی داعش لەسوریا بۆردومان دەكەن

وەزارەتی بەرگری بەریتانیا رایگەیاند: فڕۆكەكانی بەریتانیا و فەڕەنسا هێرشێكی هاوبەشیان بۆ سەر حەشارگەیەكی تەقەمەنی داعش لەسوریا ئەنجامداوە و ئامانجەكەیان پێكاوە.

وەزارەتەكە لە بەیاننامەیەكدا رایگەیاندووە: بەریتانیا و فەڕەنسا بەفڕۆكەی جەنگیی تایفون FGR4،  هێرشێكی هاوبەشیان بۆ سەر حەشارگەیەكی تەقەمەنی داعش لە ناوچەی شاخاوی نزیك شاری دێرینی پاڵمیرا لەسوریا ئەنجامدا و ئاماژە سەرەتاییەكان ئەوە دەردەخەن كە هێرشەكە سەركەوتوو بووە و ئامانجەكەی پێكاوە.

وەزارەتی بەرگری بەریتانیا ئاماژەی بەوەشكردووە: ئەو حەشارگەیە بۆ هەڵگرتنی چەك و تەقەمەنی چەكدارانی داعش بەكارهاتووە و هیچ كەسێك لە دەوروبەری نەژیاوە.

هاوكات جۆن هیلی، وەزیری بەرگری بەریتانیا رایگەیاندووە: شان بە شان لەگەڵ هاوپەیمانەكانمان رێگا لە سەرهەڵدانەوەی چەكدارانی داعش دەگرین و سوپاسی ئەندامانی هێزە چەكدارەكان دەكەین كە بەشداربوون لەئۆپەراسیۆنەكەدا.

PUKMEDIA