وەزارەتى دارایى: سبەینێ پشووى بانکییە

راگەیاندنى وەزارەتی دارایی هەرێم

وەزارەتی دارایی و ئابورى حکومەتى هەرێمى کوردستان

بەڕێوەبەرایەتی گشتی بانکە بازرگانییەکانی وەزارەتی دارایی  رایگەیاند: سبەى پشوى بانکییە لە سەرجەم بانکە حکومیەکان، بۆیە دەرگای بانکەکان بە رووی هاووڵاتییان دادەخرێت، جگە لە سوودمەندبووانی پڕۆژەی هەژماری من کە دەتوانن سەردانی بانکەکان بکەن.

بەڕێوەبەرایەتی گشتی بانکە بازرگانییەکانی وەزارەتی دارایی و ئابورى حکومەتى هەرێمى کوردستان، ئاگادارییەکى بڵاوکردەوە و رایگەیاند: ئاگاداری سەرجەم هاووڵاتییان دەکەین، سبەی یەکشەممە رێکەوتى 4ى1ى2026 ، پشوی بانکییە لە سەرجەم بانکە حکومیەکانی سەر بە بەڕێوەبەرایەتی گشتی بانکە بازرگانییەکانی وەزارەتی دارایی و ئابوری حکومەتی هەرێمی کوردستان.

روونیشیکردەوە: بۆیە دەرگای بانکەکان بە رووی هاووڵاتییان دادەخرێت، جگە لە سوودمەندبووانی پڕۆژەی هەژماری من کە دەتوانن سەردانی بانکەکان بکەن بۆ وەرگرتنی کارتی بانکییان، هەروەها فەرمانبەران دەوامی ئاسایی خۆیان دەکەن، بە مەبەستی رێکخستنی هاوسەنگی کۆتایی ساڵی دارایی 2025.

PUKMEDIA