لە ساڵی رابردوودا نزیکەی 10 هەزار منداڵ لە سلێمانی لەدایکبوون

راگەیاندنى تەندروستى سلێمانى

نەخۆشخانەی ژنان ومناڵبوون فریاكەوتنی فێركاری سلێمانى

بەڕێوبەرایەتی گشتی تەندروستی سلێمانی بڵاویكردەوە، ساڵی رابردوو لە نەخۆشخانەی مناڵبوونی فریاكەوتنی فێركاری شارەكە نۆ هەزار و 848 منداڵ لەدایكبوون، کە پێنج هەزار و 96 منداڵ كوڕ بوون و چوار هەزار و752 منداڵیش كچ بوون.

 ئەمڕۆ پێنجشەممە 1ى1ى2026 بەڕێوبەرایەتی گشتی تەندروستی سلێمانی لەبارەی ئاماری لەدایكبوونى ساڵى رابردووى سنورى سلێمانى راگەیەندراوێكی بڵاوكردەوە و رایگەیاند: ساڵی رابردوو لە نەخۆشخانەی مناڵبوونی فریاكەوتنی فێركاری شارەكە نۆ هەزار و 848 منداڵ لەدایكبوون.

ئەوەش خراوەتەڕوو: پێنج هەزار و 96 منداڵ كوڕبوون و چوار هەزار و 752 منداڵیش كچ بوون، هەروەها 179 حاڵەتی لەدایكبوونی دووانە و نۆ حاڵەتی لەدایكبوونی سیانە تۆماركراون.

روونیشکراوەتەوە: پێنج هەزار و 528 منداڵ بە سروشتی لەدایكبوون و چوار هەزار و 320 منداڵیش لە رێگەی نەشتەرگەری لەدایكبوون.

باسلەوەشکراوە: ساڵی رابردوو لە نەخۆشخانەی مناڵبوونی فریاكەوتنی فێركاری 42 هەزار و 723 نەخۆش سەردانیان كردووین، لەو ژمارەیە 13 هەزار و101 نەخۆش داخڵكراون و چارەسەری پێویستیان بۆ كراوە.

PUKMEDIA