کەرکوک.. بە بڕیاری پارێزگار سبەی لە باخچە و خوێندنگاکان پشوو دەبێت

PUKMEDIA

پشوو

بەهۆى پێشبینیەکانى کەشوهەوا و بەردەوامى شەپۆلی بارانبارین و دابەزینی پلەکانی گەرما، پارێزگارى کەرکوک بڕیاریدا سبەى یەکشەممە 28ى12ى2025 لە سەرجەم  باخچەکانی منداڵان و خوێندنگا سەرەتایی، ناوەندی و ئامادەییەکان لە سەرتاسەری پارێزگاکە پشوو بێت.

نووسينگەی راگەیاندنی پارێزگاری کەرکوک رایگەیاند: رێبوار تەها پارێزگاری کەرکوك، بڕیاریدا بە راگرتنی دەوامی رەسمی بۆ سبەی یەکشەممە لە سەرجەم باخچەکانی منداڵان و خوێندنگا سەرەتایی، ناوەندی و ئامادەییەکان لە سەرتاسەری پارێزگاکەدا.

روونیکردەوە: ئەم بڕیارە لەژێر رۆشنایی راپۆرتەکانی کەشناسی و پەروەردەی کەرکوك و لەپێناو پاراستنی سەلامەتیی خوێندکاران دراوە، بەهۆی بەردەوامیی دۆخی نالەباری کەشوهەوا، شەپۆلی بارانبارین و دابەزینی پلەکانی گەرما.

ئاماژەی بەوەش کردووە: دەوامی رەسمی لە فەرمانگە حکومییەکان و کۆلێژەکان وەک ئاسایی بەردەوام دەبێت.

PUKMEDIA