riklam

وەزارەتی کشتوکاڵ: هاوردەی 11 بەروبومی کشتوکاڵی قەدەغە دەکات

عیراق 12:30 PM - 2025-12-27
وێنەى سەوزە و میوە میدیا عیراقییەکان

وێنەى سەوزە و میوە

کشتوکاڵ عیراق

ئەمڕۆ 27ی12ی2025، وەزارەتی کشتوکاڵی فیدڕاڵی هاوردەکردنی 11 بەروبومی کشتوکاڵی قەدەغە کرد و راوێژکارێکی وەزارەتەکەش رووبەری زەوییە کشتوکاڵییەکانی عیراق ئاشکرا دەکات.

مەهدی زەمەد قەیسی راوێژکاری وەزارەتی کشتوکاڵ رایگەیاند: سیاسەتی هاوردەکردنی بەروبومە کشتوکاڵییەکان پشت بە رۆژژمێری کشتوکاڵی دەبەستێت، کە بەپێی بەروبومی کشتوکاڵی ناوخۆیی نوێدەکرێتەوە، بۆ ئەوەی لەلایەک بەرهەمی ناوخۆیی ساغ ببێتەوە و لەلایەکی دیکەشەوە رێگری لە بەرزبوونەوەی نرخەکان بگرین.

پەیوەست بەو بەرهەمانەی کە لە ئێستادا هاوردەکردنیان قەدەغە دەکرێت، ئاشکرای کرد: هەریەک لە بەروبومەکانی چەوەندەر، تور، کاهو، قەرنابیت، کەلەرم، باینجان، هێلکە، مریشک، هەنگوین، خورما، پەتاتە، قەدەغە دەکرێن و هاوردەی تەماتە بەردەوام دەبێت، بەڵام لە داهاتوودا بەپێی بەرهەمی ناوخۆیی قەدەغە دەکرێت.

لە بارەی پلانی کشتوکاڵی بۆ وەرزی زستان، مەهدی زەمەد قەیسی راوێژکاری وەزارەتی کشتوکاڵ ئاماژەی بەوەکرد: ئەو رووبەرەی کە بڕیارە بۆ کشتوکاڵ بەکاربهێنرێت چوار ملیۆن و 500 هەزار دۆنمە، کە سێ هەزار و 500 دۆنمی بە ئاوی ژێر زەوی و ئاو دەدرێت و یەک ملیۆنی دیکەش بە ئاوی سەرزەوی.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket