رێکخراوی تەندروستی جیهانی هۆشداری لەبڵاوبوونەوەی ڤایرۆسێکی نوێ دەدات

BBC

خۆپاراستن لە ڤایرۆس

رێکخراوی تەندروستیی جیهانیی هۆشداریی دەدات سەبارەت بە جۆریکی دیکەی ڤایرۆسی کۆرۆنا کەهۆکاری تێکچوونی هەناسەیە (MERS-CoV) ، ئەمەش دوای ئەوەی چەندنی حاڵەتی توشبوون بە ڤایرۆسەکە لە فەرەنسا تۆمارکرا.

بەپێی زانیارییە رەسمییەکان، فەرەنسا سەرەتای کانونی یەکەمی ساڵی 2025 دوو حاڵەتی نوێی تووشبوونی بە MERS-CoV تۆمار کردووە، کە بەوەش کۆی گشتی تووشبووانی پشتڕاستکراو لەم وڵاتەدا گەیشتە چوار حاڵەتو یەکێکیش لەوانە گیانیان لەدەستدا، هاوکات تا 21ی کانونی یەکەم، 19 حاڵەتی تووشبوونی بە MERS-CoV لە سەرانسەری جیهاندا تۆمارکراون و 4 لەوانە مردن، جگە لەوەی 17 حاڵەتیش لەسعوودییە سەرچاوەیان هەیە.

هەرچەندە رێکخراوی تەندروستیی جیهانی ئاماژە بەوەدەکات، کە هەڵسەنگاندنی گشتیی مەترسی هێشتا ناوەندییە لە ئاستی جیهانی و هەرێمیدا، بەڵام ئەم حاڵەتانە پیشان دەدەن کە ڤایرۆسەکە هێشتا لە هەندێک ناوچەدا مەترسی دروست دەکات، هەربۆیە هاووڵاتیان ئاگادار دەکاتەوە کە خۆپارێز بن و خۆیان لەهەندێک جۆری خواردن و تیکەڵبوون بە دوور بگرن.

نیشانەکانی MERS-CoV بریتین لە گەرمی، قورسایی لە هەناسەدان، سکچوون و رشانەوە و لە حاڵەتە قورسەکاندا دەکرێت ببێتە هۆکاری مردن، هاوکات تا ئێستا هیچ ڤاکسینێکی رەسمیی دژی ئەم ڤایرۆسە بەردەست نییە.

ئەمەش لەکاتێکدایە، (MERS-CoV) ڤایرۆسێکە کە زۆرتر لە ئاژەڵەوە دەگوازرێتەوە و ڕێژەیەکی بەرزی مردنی هەیە کە نزیکەی %37 پێوانە دەکرێت، هەرچەندە توانای گواستنەوەی لە نێوان مرۆڤەکاندا سنووردارە، هەروەها پشتڕاستکراوەتەوە کە ئەو جۆرانەی دۆزراونەتەوە لە فەرەنسا هاوشێوەن بە ئەو جۆرەی کە لە دوورگەی عەرەبی بڵاوبوونەتەوە.

PUKMEDIA