شەش رۆژ پشوو لە هەرێم راگەیەندرا

PUKMEDIA

پشوو

حکومەتی هەرێم بەبۆنەی ساڵی تازەوە شەش رۆژ پشووی رەسمی لەسەرجەم دامودەزگاکان راگەیاند، بەڵام لە رۆژانی پشوودا ئەگەر مووچە بێت، دابەشکردنەکەی بەردەوام دەبێت.

حکومەتی هەرێم رایگەیاند: لە رۆژی پێنجشەممە، 25ی كانوونی یەكەمی 2025، تا رۆژی شەممە، 3ی كانوونی دووەمی 2026، لە سەرجەم دامودەزگاكانی هەرێمی كوردستان، پشووی رەسمی دەبێت، هاوکات دەوام لە دامەزراوە خزمەتگوزارییەکان، بە شێوەی ئێشکگری دەبێت.

ئەوەش هاتووە، لە كاتی هاتنی مووچەی مانگی تشرینی یەكەمی فەرمانبەرانی هەرێم، پرۆسەی دابەشكردنی مووچە لە رۆژانی پشوو بەردەوام دەبێت.

راشیگەیاندووە: رۆژی یەکشەممە، 4ی كانوونی دووەمی 2026، دەوامی رەسمی لە سەرجەم دامودەزگاكانی هەرێمی كوردستان دەست پێدەكاتەوە.

PUKMEDIA