دواى گەیشتنى سەرۆککۆمارى پاکستان بۆ بەغداد لەگەڵ د.لەتیف رەشید کۆدەبێتەوە

نوسینگەی راگەیاندنی سەرۆکایەتی کۆمارى عیراق

وێنەیەکى پێشوازى کردنەکە لە ئاسیف عەلی زەرداری سەرۆککۆمارى پاکستان

‎نوسینگەی راگەیاندنی سەرۆکایەتی کۆمارى عیراق بڵاویکردەوە: سەرۆککۆماری ئیسلامی پاکستان، ئاسیف عەلی زەرداری، ئێوارەی ئەمڕۆ شەممە 20ی کانوونی یەکەم 2025 بەسەردانێکی رەسمی بۆ عیراق گەیشتە بەغدادی پایتەخت.

ئەوەش روونکراوەتەوە: سبەی یەکشەممە رێوڕەسمێکی رەسمی بۆ پێشوازی لە سەرۆککۆماری پاکستان لە کۆشکی بەغداد بەڕێوەدەچێت و دواتر گفتوگۆی دوو قۆڵی لە نێوان سەرۆککۆمارى عیراق، د.لەتیف جەمال رەشید و سەرۆک زەرداری سەرۆککۆماری پاکستان بەڕێوەدەچێت و پاشان دانوستانەکانی نێوان لایەنی عیراق و پاکستانی بە  شێوەیەکى فراوانتر دەستپێدەکات.

ئاماژەبەوەشدراوە :لە فڕۆکەخانەی نێودەوڵەتی بەغداد لەلایەن وەزیری رۆشنبیری و گەشتوگوزار و شوێنەوار د.ئەحمەد فەکاک ئەلبەدرانی سەرۆکی دەستەی شەرەف و هەروەها بەرپرسانی باڵا و راوێژکارانی سەرۆکایەتی کۆمار پێشوازی لێکرا.

PUKMEDIA