راستی رووداوەکەی بەردەم بارەگای مەکتەبی سیاسیی یەکێتی لە هەولێر

PUKMEDIA

لۆگۆى یەکێتیى نیشتمانیى کوردستان

ئەمڕۆ شەممە 20ى12ى2025 مەکتەبى سیاسى یەکێتیى نیشتمانیى کوردستان راگەیەنراوێکى سەبارەت به کارمەندی وەزارەتی پێشمەرگە میران بەکر عەبدولرەحمان بڵاوکردەوە و رایگەیاند: له ژێر کاریگەری ماددەکحولیەکاندا بووه و سوکایەتی به ئۆتۆمبێلێك كردووه .

 دەقى راگەیەنراوەکە:

سەبارەت به کارمەندی وەزارەتی پێشمەرگە میران بەکرعەبدولرەحمان که بانگەشەی ئەوه دەکات، لە لایەن پاسەوانانی بارەگای مەکتەبی سیاسی یەکێتیی نیشتمانیی کوردستانەوە رفێنراوە و لێيدراوه.

راستی رووداوه که بەمشیوەیەی لای خوارەوەیە :

ئەم بەڕێزه کاتژمێر 12:30ی شەو بە ئۆتۆمبێلێکی جۆری فۆرد ئێکسپلورا رەنگی رەش، هاتووەته کۆڵانی تەنیشت بارەگای مەکتەبی سیاسی یەکێتیی نیشتمانیی کوردستان و له ژێر کاریگەری مادده کحولیەکاندا بووه و سوکایەتی به ئۆتۆمبێلێك كردووه و دواتر له لایەن پاسەوانەکانی بارەگای مەکتەبی سیاسی ئاگادارکراوەتەوه کە ئەم شوينه جێگای ئەم رەفتاره و وەستان نییه، ناوبراو دابەزیوه و پەلاماری پاسەوانانی بارەگای مەکتەبی سیاسی داوه، بۆیه له ئەنجامدا مەفرەزەی دەورى مەکتەبی سیاسی ناوبراویان بردووه بۆ ژووری ئەفسەری بەرپرس لە کاتژمێر 12:43 شەو براوەته ژوورەوه و دوای دڵنیابونەوه لەوەی که ناوبراو زۆر له ژێر کاریگەری ماددەکحولیەکان بووه و دواتر ناسنامەکەی زانراوه و هه رخۆی داوای لێبوردنی له پاساوانانی بارەگای مەکتەبی سیاسی یەکێتیی نیشتمانیی کوردستان کردووه و بەڕێزەوه له کاتژمێر 01:00ی شەو بارەگای مەکتەبی سیاسی جێهێشتووه.

وه سه رجەم ئەم بابەتانەی ئاماژەیان پێدراوه بە بەڵگەی ڤیدیۆیی لەلامان پارێزراوه و لەگەڵ بونی شاهید له دانیشتوانی گەڕەکی شەهیدانی یەکێتی، هەموو ئەو بەڵگانە دەدرێته دەست لیژنەی لێکۆڵینەوه که بەپێی یاسا هەردوو لایەن سەربەهێزی ئەمنی و سەربازین و بەپێی یاسای سەربازی رێکاری پێویست ئەنجام دەدرێت.

راگەیاندنی بارەگای مەکتەبی سیاسی یەکێتیی نیشتمانیی کوردستان – هەولێر


PUKMEDIA