وەفدێکی یەکێتی پیرۆزبایی سەرۆك بافڵ و سەرکردایەتی یەکێتییان گەیاندە ئێزدییەکان

تایبەت

وێنەیەکى سەردانەکە

ئەمڕۆ هەینی 19ی 12ی 2025، وەفدێکی یەکێتی بەسەرۆکایەتی ئاراس محەمەد ئاغا، ئەندامی سەرکردایەتی و لێپرسراوی مەڵبەندی حەوتی نەینەوا بە یاوەری بەسمان سمۆ ئەندامی پەرلەمانی عيراق و محەمەد جاسم و ویسام سالم ئەندامانی ئەنجومەنی پارێزگای نەینەوا بەرپرسی کۆمیتەکانی بەعشیقە و ولات شەبەك و ئەلقوش و شێخان، بەشداریکرد لە جەژنی رۆژووی ئێزدییەکان.

وەفدەکە قەزای شێخان و ناحیەکانی بەعشیقە و بەعزان و ئەلقوش و باعەدرێیان بەسەرکردەوە، لە لایەن سەماحەتی بابەشێخ و میری ئێزدییەکان و میرفاروق بەگ و خانەوادەی بابە شێخی رەحمەتی و گەورەپیاوان و قەواڵ و کەسایەتی ئێزیدییەکان پێشوازیکران، دواتریش سەردانی ژمارەیەك خانەوادەی شەهیدان و کادرانی یەکێتییان کرد.

وەفدی یەکێتی پیرۆزبایی سەرۆك بافڵ، سەرۆکی یەکێتیی نیشتمانیی کوردستان و سەرکردایەتی یەکێتییان گەیاندە خوشك و برا ئێزدییەکان و ھیوایان خواست ھەمیشە لە جەژن و خۆشیدابن.

PUKMEDIA