ماڵپەڕی هاوکاری کوردانە کاراکرا

ماڵپەڕی هاوكاری كوردانە

ماڵپەڕی هاوكاری كوردانە

ماڵپەڕی هاوكاری كوردانە بۆ تۆماركردنی هاوكارییەكان بۆ زیانلێكەوتووانی لافاوەكەی چەمچەماڵ كاراكرا  كە سەرجەم داتای بەخشەران و هاووڵاتیان لە خۆدەگرێت.

ماڵپەڕی  (هاوكاری كوردانە - Hawkary Kurdana)، ماڵپەڕێكی 24 سەعاتییە و سات بەساتی هەر بڕە پارەیەك بۆ سەر هەژماری بانكییەكانی كۆمسیۆنی فریاگوزاری و بوژانەوەی چەمچەماڵ، لەبانكی چەرموو هەروەها بانكی جیهان نوێ دەكرێتەوە.

عەتا محەمەد سەرۆكی كۆمسیۆنی فریاگوزاری و بوژانەوەی چەمچەماڵ رایگەیاند: ئەوان لە كۆمسیۆنەكە لە پێناو پەیڕەوكردنی ئەوپەڕی شەفافیەتدا سەرجەم داتا و زانیارییەكان دەخەنە بەردەست راگەیاندنەكان و دامەزراوە رەسمییەكان و خەڵكی كوردستان، تا هەمووان وەك چۆن بەشداربوون لە پشتیوانی زەرەرمەندانی لافاوەكە، بەهەمان شێوەش ببینن كە هاوكاریە داراییەكانیان چۆن تۆمار دەكرێت و چۆن خەرجیش دەكرێت بۆ خەڵكی چەمچەماڵ.

 
لەم لینكەوە دەتوانن ئاگاداری كۆكردنەوەی هاوكارییەكان و چۆنییەتی خەرجكردنی بن...

https://hawkary-kurdana.com/

PUKMEDIA