وادەی یەکەم کۆبوونەوەی ئەنجوومەنی نوێنەران دیاریکرا

PUKMEDIA

سەرۆککۆماری عیراق

سەرۆککۆماری عیراق وادەی یەکەم کۆبوونەوەی ئەنجوومەنی نوێنەرانی  دیاریکرد.

د. لەتیف رەشید، سەرۆککۆماری عیراق داوا لە ئەنجوومەنی نوێنەرانی هەڵبژێردراو دەکات رۆژی دووشەممە 29ـی 12ـی 2025 یەکەم دانیشتنی خۆی ئەنجامبدات.

دوای په‌سه‌ندكردنی ئه‌نجامه‌كانی هەڵبژاردن لەلایەن دادگای باڵای فیدراڵییەوە، سه‌رۆككۆماری عیراق به‌پێی مادده‌ی 54 له‌ ده‌ستووری عیراق داوای له‌ئه‌نجومه‌نی نوێنه‌ران کرد کە یه‌كه‌م دانیشتنی خۆی ساز بكات و پێویستیشه‌ به‌ ته‌مه‌نترین په‌رله‌مانتار سه‌رۆكایه‌تی دانیشتنه‌كه‌ بكات، هه‌روه‌ها به‌پێی مادده‌ی 53 دانیشتنه‌كانی په‌رله‌مان به‌ئاشكرا ئه‌نجامده‌درێت و له‌ رێگای ده‌زگاكانی راگه‌یاندنه‌وه‌ بڵاوده‌كرێنه‌وه‌.

ئەمەش لەکاتێکدایە، رۆژی 11ی11ی2025، هەڵبژاردنی ئەنجومەنی نوێنەرانی عیراق بەڕێوەچوو، دواتریش کۆمسیۆنی باڵای سەربەخۆی هەڵبژاردنەکانی عیراق ئەنجامی کۆتایی هەڵبژاردنی خولی شەشەمی ئەنجومەنی نوێنەرانی عیراقی راگەیاند و بەپێی ئەنجامەکان یەکێتیی نیشتیمانیی کوردستان توانیی ژمارەی دەنگەکانی زیاد بکات و 18 کورسی پەرلەمان بۆ خۆی مسۆگەر بکات.

PUKMEDIA