رێبوار تەها: زیانلێکەوتووانی گوندەکانی کەرکوک قەرەبوو دەکەینەوە

PUKMEDIA

پارێزگاری کەرکوک لە چەمچەماڵ

پارێزگاری کەرکوک، لەبارەی زیانەکانی لافاو لە کەرکوک و چەمچەماڵ رایگەیاند: بەڵێنی قەرەبوکردنەوەی زیانلێکەوتوانی لافاو لە گوندەکانی کەرکوک دەدەین و لە داهاتوویەکی نزیکیشدا کاری زیاتر بۆ چەمچەماڵ دەکەین.

زیانلێكەوتوانی لافاوەكەی كەركوك قەرەبوو دەکرێنەوە

رێبوار تەها پارێزگاری کەرکوک لە کۆنگرەیەکی رۆژنامەوانیدا لەبارەی زیانەکانی لافاو لە کەرکوک رایگەیاند: بەداخەوە کە بەهۆی لافاوەوە بەشێكی زۆری لادێكانی كەركوك تووشی زیانی گەورە بوون و بەڵێن دەدەین کە زیانلێكەوتوانی لافاوەكەی كەركوك قەرەبوو بکرێنەوە.

وتیشی: نابێت رێڕەوی  ئاو پڕ بكرێتەوەو خانووی لەسەر دروست بكرێت و دەبێت رێڕەوی شۆراو پەنجا عەلی وەكو خۆیان لێبكرێتەوە، مافیاكانی كەركوك دۆڵ و رێڕەوە ئاوییەكانیشیان بە هاوڵاتیان فرۆشتووە.

نەوتی سپی بۆ چەمچەماڵ رەوانە دەکەین

هاوکات لەبارەی زیانەکانی لافاو لە چەمچەماڵیش وتی: لەگەڵ وەزارەتی نەوتی عیراق رێککەوتوین بۆ رەوانەکردنی نەوتی سپی بۆ چەمچەماڵ.

ئەوەشی راگەیاند: لە سەرەتای لافاوەکەوە ئامێر و کارمەندمان بۆ چەمچەماڵ ناردوەو لە داهاتوویەکی نزیکدا کاری زیاتر بۆ چەمچەماڵ دەکەین.

لەلایەکی ترەوە پارێزگاری کەرکوک، لەگەڵ ژمارەیەک لە ئەندامانی ئەنجومەنی پارێزگای کەرکوک، پرسەی شەهید ئاکۆ سابیر و چەند پرسەیەکی دیکەی لە قەزای چەمچەماڵ بەسەرکردەوە.

PUKMEDIA