سکرتارییەتی سەرۆک مام جەلال تێکۆشەرێکی دێرین بەسەردەکەنەوە

PUKMEDIA

سکرتارییەتی سەرۆک مام جەلال لە سەردانی تێکۆشەرێکی دێرین

رۆژی 15-12-2025 مەکتەبی سکرتارییەتی سەرۆک مام جەلال لە شاری سلێمانی سەردانی تێکۆشەری دێرین و پێشمەرگەی مەفرەزە سەرەتاییەکانی شۆڕشی نوێ ( مستەفا ئیبراهیم خۆخێ ) یانکرد . 

لەو سەردانەدا ؛ مەکتەبی سکرتارییەت مێژووی گەشی مستەفا یان هێنایەوە بەر باس وەک تێکۆشەرێکی دیار و پێشمەرگەیەکی ئازای مەفرەزە سەرەتاییەکانی شۆڕشی نوێ کە بە گروتینێکی زۆرەوە دەستیی دایەوە کاروانی کوردایەتی و بووە سەرمەشقی شۆڕشی نوێ و وەک قارەمانێک لە ریزی پێشەوەی خەبات و شۆڕشی چەکداریدا بوو .

لەبەرامبەر ئەو رابردووەش پەیام و چەپکە گوڵی رێز و وەفای سەرۆک بافڵ جەلال تاڵەبانی ؛ قوباد تاڵەبانی ـیان ئاڕاستە کردوو هیوای تەندروستی باشتر و سەلامەتی هەمیشەییان بۆ خواست .

لای خۆیەوە ؛ مستەفا خۆخە سوپاسی ئەو بەسەرکردەوەیەی کرد و روونی کردەوە سەربەرزین بەو شۆڕشەی کە لەسەرەتاوە بەشێک بووین لە دروست بوون و بناغەکەی و ئەمڕۆ بە ئازادی و سەربەستانە لە ناو گەل و نیشتمانی خۆماندا دەژین .

PUKMEDIA