د. ئارام محەمەد: خوێندکارانی چەمچەماڵ لە کرێی خوێندنی ئەم ساڵ دەبەخشرێن

PUKMEDIA

دکتۆر ئارام محەمەد قادر وەزیری خوێندنی باڵا و توێژینەوەی زانستی حکومەتی هەرێم

وەزارەتى خوێندنى باڵا و توێژینەوەى زانستى، رایگەیاند: وەزیرى خوێندنى باڵا بڕیاریدا بە لێخۆشبون لە کرێى خوێندنى بەکالۆریۆس و ماستەر و دکتۆرا بۆ خوێندکارانى چەمچەماڵ و دەوروبەرى.

ئەوەش روونکراوەتەوە: لەپێناو بەشداریکردن و هاوخەمی لەگەڵ خەڵکی چەمچەماڵ و دەوروبەریدا و بۆ بەدەنگەوە هاتنی خوێندکارانیان لەم کارەساتە سروشتیەدا، بە ئیمزاى د. ئارام محەمەد قادر وەزیرى خوێندنى باڵا و توێژینەوەى زانستى بڕیاردرا بە لێخۆشبون لە پارەی کرێی خوێندنی خوێندکارانی دانیشتوی قەزای چەمچەماڵ و دەوروبەری کە بە پارالێل یان خوێندنی ئێواران وەرگیراون، لە خوێندنی بەرایی (دبلۆم و بەکالۆریۆس) و خوێندنی باڵا (دبلۆمى باڵا، ماستەر، دکتۆرا)، لە سەرجەم زانکۆکان بۆ بڕی ماوەی کرێی خوێندنیان بۆ ساڵی خوێندنی 2025-2026.

ئاماژەبەوەشدراوە: پێویستە خوێندکاران بە دیکۆمێنتى یاسایی بیسەلمێنن، کە دانیشتوی قەزای چەمچەماڵن یان ئەو شوێنانەی کە زیانیان بەرکەوتوە بۆ ئەوەى بڕیارى لێخۆشبون لە کرێى خوێندن بیانگرێتەوە.

PUKMEDIA