لە دوو رۆژدا زیاتر لە 100 ملیۆن مەتر سێجا داهاتی ئاو خەزن کراوە

راگەیاندنی وەزارەتی کشتوکاڵ

بەنداوی دوکان

شەپۆلی بارانبارینی دوو ڕۆژی رابردوو بووەتە هۆی بوژاندنەوەی چەم و بەنداوەکان و وەزارەتی کشتوکاڵیش ئاشکرای دەکات لە هەردوو بەنداوی دوکان و دەربەندیخان ، زیاتر لە 100 ملیۆن مەتر سێجا داهاتی ئاو خەزن کراوە.

بەپێی راگەیەندراوێکی وەزارەتی کشتوکاڵ و سەرچاوەکانی ئاو ، لە هەرێمی کوردستان  بەنداوەکان بەهۆی ئەم شەپۆلەی کە رووی لە ناوچەکە کردووە دەستیان بە خەزنکردنی ئاو کردووە.

 پەیوەست بە بڕی خەزنکراوی ئاو لە بەنداوی دوکان و دەربەندیخان، وەزارەتی کشتوکاڵ ئاشکرای کردووە؛ لە هەردوو بەنداوی دوکان و دەربەندیخان ، زیاتر لە 100 ملیۆن مەتر سێجا داهاتی ئاو خەزن کراوە، بەشێوەیەک دەربەندیخان 1.5مەتر و دوکان 70 سانتیمەتر زیادیانکردوە.

 لە بارەی بەنداوە بچووکەکانیشەوە، وەزارەتی کشتوکاڵ رایگەیاندووە: بەنداوە بچوکەکانیش لە سنوری گەرمیان و سلێمانی هەمویان پڕبوون لە سنوری هەولێر یەک بەنداو پڕبووە و سەرڕێژی کردووە ، ئەوانیتریش ئاویان لێخەزنکراوە، لە سنوری دهۆکیش ئاوی بەنداوەکان زیادیان کردوە بەڵام بە ڕێژەی کەمتر.

ئەمەش لە کاتێکدایە، ماوەی دوو رۆژە شەپۆلێکی بارانی بەلێزمە رووی لە هەرێمی کوردستان کردووە و بەهۆییەوە لافاو لە چەند ناوچەیەک دروستبووە وکە زیانی گیانی و مادی بەدواوە بووە.

PUKMEDIA