پەیامێک لە جێگری سەرۆکی هەرێمەوە لە بارەی لافاوەکەی ئەمڕۆ

PUKMEDIA

شێخ جەعفەر شێخ مستەفا جێگری سەرۆکی هەرێمی کوردستان

شێخ جەعفەر شێخ مستەفا جێگری سەرۆکی هەرێمی کوردستان لە پەیامێکیدا سەرەخۆشی ئاڕاستەی خانەوادە و کەسوکار و بنەماڵەی قوربانییانی کارەساتە سروشتییەکەی ئەمڕۆ دەکات و هیوای چاکبوونەوەش بۆ بریندارەکان دەخوازێت.

 جێگری سەرۆکی هەرێمی کوردستان لە پەیامەکەیدا ئاماژەی بەوەکردووە: بە داخ و پەژارەیەکی زۆرەوە لە ئەنجامی نالەباری کەش و هەوا و بارانێکی زۆر و دروستبوونی لافاو، هەواڵی گیانلەدەستدانی سێ هاووڵاتی لە سنوورەکانی قەزای چەمچەماڵ و پارێزگای کەرکوک لەگەڵ برینداربوونی چەند کەسێکی ترم پێگەیشت.

راشیدەگەیەنێت:بەم بۆنە خەمناکەوە پرسە و سەرەخۆشی خۆم ئاراستەی خانەوادە و کەسوکار و بنەماڵەی قوربانییانی ئەم کارەساتە سروشتییەی ئەمڕۆ دەکەم، داواکارم لە خودای گەورە بە میهرەبانی و بەزەیی خۆی گیانیان بە بەهەشتی بەرین شاد بکات و ئارامی و دڵنەواییش بە خانەوادە و کەسوکار و ئازیزانیان ببەخشێت، هیوای چاکبوونەوەش بۆ بریندارەکان دەخوازم.

PUKMEDIA