ڕفعەت عەبدوڵا: مەڵبەندەکان رووی گەشی یەکێتین

PUKMEDIA

کۆبونەوەی ڕفعەت عەبدوڵا لەگەڵ لێپرسراوی مەڵبەندەکان

ڕفعەت عەبدوڵا، جێگری سەرۆکی یەکێتیی نیشتمانیی کوردستان، سەبارەت بەبرەودان و گەشەی زیاتر بەڕێکخستنەکان، لەگەڵ لێپرسراوی سەرجەم مەڵبەندەکانی (ی.ن.ک) کۆبووەوەو رایگەیاند گەشەکردنی رێکخستنەکانمان لەڕووی چۆنایەتی و چەندیەتیەوە پێویستیەکی بەردەوامی سیاسەتی یەکێتییە.

جێگری سەرۆک، رۆڵی مەڵبەندەکانی لەجۆشدانەوەی خەبات و پەیوەندی لەگەڵ جەماوەردا بەگرنگ وەسفکردوو هیوای خواست لەداهاتووی نزیکتردا کاریگەرترو قوڵتر هەوڵ خەبات بەخزمەتی گشتیەوە ببەستنەوە.

ڕفعەت عەبدوڵا باسی لەوەکرد، مەڵبەندەکانی یەکێتی ڕووی گەشی پەیوەندی یەکێتین لەگەڵ شارو کۆمەڵانی خەڵکدا، لەوبارەیەوە وتی: «پێویستە مەڵبەندەکان پانتایی هەموو جۆرەکانی خەباتبن و ڕایەڵەیەکی بەهێز دروستبکەن لەنێوان یەکێتی و جەماوەری ئەو سنورەدا".

PUKMEDIA