قوباد تاڵەبانی زیانلێکەوتووانی چەمچەماڵ قەرەبوو دەکاتەوە

PUKMEDIA

سەردانی قوباد تاڵەبانی بۆ چەمچەماڵ

ئەمڕۆ 10ی12ی2025، قوباد تاڵەبانی جێگری سەرۆکی ئەنجومەنی وەزیرانی هەرێم، دوای لافاوەکەی قەزای چەمچەماڵ، بەسەردانێک گەیشتە قەزاکە و بەیاوەری رەمەک رەمەزان قائیمقامی ناوچەکە زیانلێکەوتووان و کەسوکاری قوربانییانی بەسەرکردەوە.

بەپێی زانیارییەکانی PUKMEDIA، سەردانەکەی قوباد تاڵەبانی بە مەبەستی لە نزیکەوە بەدواداچوونە بۆ زیانەکانی لافاوەکەی چەمچەماڵ و هاوکات لەگەڵ بەرپرسە ئیدارییەکانی ناوچەکە کۆدەبێتەوە و بڕیاری پێویست لەبارەی شێوازی قەرەبووکردنەوەی زیانلێکەوتووان دەدات.

هەر بەپێی زانیارییەکان، ئامانجێکی دیکەی سەردانەکەی قوباد تاڵەبانی بەشداریکردنە لە پرسەی قوربانییەکان.

هاوکات عەتا محەمەد لێپرسراوی نوسینگەی سلێمانی قوباد تاڵەبانی رایگەیاند:  لیژنەیەک بۆ چارەسەرکردنی کێشە و  کەموکوڕییەکان پێکدەهێنرێت و زیانلێکەوتووانی لافاوەکە قەرەبوو دەکرێنەوە.

PUKMEDIA