ئەنجامی هەڵبژاردنی نوێنەران دەنێردرێت بۆ دادگای فیدراڵی

PUKMEDIA

لۆگۆی کۆمسیۆن

کۆمسیۆنی هەڵبژاردن رایدەگەیەنێت، کەلەماوەی دوو رۆژی داهاتوودا ئەنجامی هەڵبژاردنی ئەنجومەنی نوێنەرانی عیراق بەمەبەستی پشتڕاستکردنەوە دەنێردرێت بۆ دادگای فیدراڵی.

عیماد جەمیل سەرۆکی تیمی راگەیاندنی کۆمسیۆنی باڵای سەربەخۆی هەڵبژاردنەکان رایگەیاند: کۆمسیۆن سورە لەسەر راگەیاندنی ئەنجامی هەڵبژاردن و رادەستکردنی تۆمارەکانی دەنگدان بە لایەنە سیاسییەکان، تانەکانیش هیچ تۆمارێکیان تێدا نەبووە جیاواز بێت لەو ئەنجامانەی کۆمسیۆن رایگەیاندبوو.

ئاماژەی بەوەشکرد: هەندێک لەتانەکان پەیوەندیدار بوون بە دابەشکردنی کورسی کۆتاکان، بەڵام سیستمی 2ی ساڵی 2025 وردبینە بۆ ئەو دابەشکارییە، کۆمسیۆنیش سورە لەسەر پەلەکردن لەبەجێگەیاندنی سەرجەم رێکارەکان و ئەنجومەنی کۆمسیاران ئەنجامەکان بۆ دادگای فیدراڵی بەرزدەکاتەوە بۆ پشتراستکردنەوەی لەماوەی دوو رۆژدا.

رۆژی 17ی 11ی 2025 کۆمسیۆنی باڵای سەربەخۆی هەڵبژاردنەکانی عیراق ئەنجامی هەڵبژاردنەکانی ئەنجومەنی نوێنەرانی بە دەنگدانی گشتی و تایبەتەوە راگەیاند و دەرگای تانەدانی بۆ ماوەی سێ رۆژ کردەوە، کەتێیدا یەکێتیی نیشتمانیی کوردستان بەپێی ئەنجامە رەسمییەکان 18 کورسی بەدەستهێنا و بەراورد بە لایەنە سیاسییە کوردستانییەکانی تر ژمارەی کورسییەکانی زیادی کرد.

PUKMEDIA