قوباد تاڵەبانى: بەهێزکردنی پێگەی ژن لە کۆمەڵگا بەشێکە لە ناسنامەی یەکێتی

نوسینگەى رۆژنامەوانى قوباد تاڵەبانى

قوباد تاڵەبانى

قوباد تاڵەبانى رایگەیاند: داکۆکیکردن لە مافی ژنان و بەهێزکردنی پێگەی ژن لە کۆمەڵگا بەشێکە لە ناسنامەی یەکێتیی نیشتمانیی کوردستان.

ئەمڕۆ پێنجشەممە 4ى12ى2025، قوباد تاڵەبانى رایگەیاند: داکۆکیکردن لە مافی ژنان و بەهێزکردنی پێگەی ژن لە کۆمەڵگا بەشێکە لە ناسنامەی یەکێتیی نیشتمانیی کوردستان، هەر بۆیە یەکێتی هەمیشە پێشەنگ بووە لە بەشداریپێکردنی ژنان لە ناوەندەکانی بڕیاردا و بەردەوامیش دەبێت.

ئەوەشى خستەڕوو: بە بۆنەی دوو هەفتەی بەرەنگاربوونەوەی توندوتیژی دژی ژنان، لەگەڵ کۆمەڵێک لە هەڤاڵانی ژن لە هەولێر کۆبوومەوە، جەختم کردەوە کە یەکێتی کاری زیاتر دەکات، بۆ بەهێزترکردنی پێگەی ژن لەناو حزب و حکومەت و هەموو ناوەندەکانی بڕیاردا، هەروەها بە هاوکاری لەگەڵ کۆمەڵگای مەدەنی و لایەنە پەیوەندیدارەکان کار دەکەین، بۆ نەهێشتنی توندوتیژی دژی ژنان.

ئاماژەیبەوەشدا: سوپاسیشم کردن کە لە ماوەی بانگەشەی هەڵبژاردندا ماندوونەناسانە هەوڵیاندا بۆ سەرخستنی لیستی یەکێتی.

PUKMEDIA