سکرتاریەتی سەرۆک مام جەلال رێز لە تێکۆشانی حاکم قادر دەگرێت

PUKMEDIA

مەکتەبی سکرتاریەتی سەرۆک مام جەلال لەسەردانی حاکم قادر

مەکتەبی سکرتارییەتی سەرۆک مام جەلال لە شاری سلێمانی سەردانی سەرکردەو تێکۆشەری دێرین و کەسایەتی دیاری شاری سلێمانی هەڤاڵ ( حاکم قادر حەمە جان ) یانکرد .

لەو سەردانەدا ؛ ئەندامانی مەکتەبی سکرتارییەت بەرێزەوە رابردوو و تێکۆشانی هەڤاڵ حاکم قادر یان خستەوە روو وەک سەرکردەیەکی دیاری شۆڕشی نوێ کە هەر لەسەرەتاوە بە نەفەسێکی قوڵی نیشتیمانی بۆ ئازادی گەلەکەی چەکی شەرەفی لە شان ناو لوتکەی چیاکانی کردە مەیدانی رووبەڕووبونەوە بەرامبەر بە دوژمن ؛ لە شاریشدا وەک لێپرسراو لەناو وێستگەکانی حکومەتدا سەرکەوتووانە خزمەتی زۆری شاری سلێمانی کردووە . لەم دیدەوە ئەندامانی مەکتەبی سکرتارییەت چەپکە گوڵی رێزو وەفای سەرۆک بافڵ جەلال تاڵەبانی ؛ هەڤاڵ قوباد تاڵەبانی ـیان ئاڕاستە کردوو هیوای سەلامەتی زیاتر و تەندروست باشی هەمیشەییان بۆ خواست .

لای خۆیەوە ؛ هەڤاڵ حاکم قادر حەمە جان سوپاسی ئەو بەسەرکردەوەی کردوو روونی کردەوە, ئەم هەنگاوەی مەکتەبی سکرتارییەت بۆ بەسەرکردنەوەی خەباتکار و تێکۆشەرانی رێگای کوردایەتی ئاوڕدانەوەیەکی باش و یەکێتیانەیە ؛ لە هەڵوێستەکانی رابەرمان سەرۆک مام جەلال ـەوە سەرچاوە دەگرێت .

PUKMEDIA