مەڵبەندی هەولێر: بەرپرسیاریەتییە حکومەت جەنگ دژی گوندێک رابگەیەنێت

PUKMEDIA

لۆگۆی یەکێتی

مەڵبەندی 3ی هەولێری یەکێتی سەبارەت بە ئاڵۆزییەکانی گوندی لاجان راگەیەندراوێک بڵاودەکاتەوەو رایدەگەیەنێت: ئەمە یەکەمجارە دەوڵەت و گوندێك لەبەرامبەر بەیەك رووبەڕوویی یەکترببنەوە، چاوەڕێی هەڵوێستی بەر پرسیارانەین بۆ راگرتنی ئەو  جەنگەو کۆتاییهێنان بەفشار لەسەر خەڵکی گوندی لاجان.


دەقی راگەیەندراوی مەڵبەندی 3 ی هەولێری یەکێتیی نیشتمانیی کوردستان..

بونیادی ئەقلی حزب و خاوەندارێتی ماڵی خۆم.!

سێ رۆژە لە گوندی لاجانی نزیك هەولێری پایتەختی هەرێمی کوردستان، ململانێ و هێز کۆکردنەوە لە نێوان گوندێك و  باڵێکی دەست رۆیشتوویی کوردستان بە هێزەکانیەوە رووبەربوونەتەوە، یەکەمجارە لە مێژوویی شەڕ و پێکدادان و ململانێی لەم جۆرە روودەدات، لە مێژووی تەواویی ململانێی جەنگ و شەڕەکانی هەردوو جەنگی جیهانی یەکەم و دووەم بەم شێوە  لەنێوان هاووڵاتی و هاوخوێنی دوو بەرەیی بەم شێوەیە دورست نەبووە بەدڵنیایەوە ئەمە یەکەمجار دەوڵەت و گوندێك لەبەرامبەر بەیەك ڕووبەڕوویی یەکتر ببنەوە. 

بەرەی یەکەم خاوەنی ماڵ و لەناو خێزان و ژن و منداڵ، بەرگریی مەدەنییانە لە خۆیان دەکەن و بەرەی دووەمیش هێزیی حزبە بەناوی حکومەت بە هەموو ئەو چەك و جبەخانانەی کە لە هێزەکانی هاوپەیمانانان وەریگرتووە سەعات بە سەعات هێزیی زیاتر دەنێرن و سەنگەرەکانیان بەرامبەر خەڵکی سیڤیلی گوندی لاجان تۆکمەتر دەکەنەوە.

ئەمە جگە لەوەی پێشێلی هەموو سەرەتاکانی مافی مرۆڤ و رێسایی و یاسایی جەنگە و بەرپرسیاریەتییەکی گەورەشە بۆ هەرسێ سەرۆکایەتیەکەی هەرێم، تایبەت سەرۆکی هەرێم و سەرۆکی حکومەت و دەسەڵاتی هاوپەیمانان و دەستەی مافی مرۆڤ، هەروا بە  ئاسایی و بێ دەنگی حکومەتێك جەنگ دژی گوندێك رابگەینێت، چاوەڕێی هەڵوێستی بەر پرسیارانەین بۆ راگرتنی ئەو  جەنگەو کۆتاییهێنان بەفشار لەسەر خەڵکی گوندی لاجان ، چونکە هەموو ئەمانەش ئامانج لێی دەرکردنی خەڵکە لەسەر زێدیی خۆیان  دەست بەسەراگرتنی گوندەکەیە  لەلایەن کۆمپانیاوە .

PUKMEDIA