بەرهەمهێنانی گازی سروشتی بۆ وێستگەكانی كارەبا دەستپێدەکاتەوە

ئەرشیف

سامانە سروشتییەکان

وەزارەتی سامانە سروشتییەكان و وەزارەتی كارەبا راگەیەندراوێکی هاوبەشییان بڵاوکردوەو رایانگەیاند: زۆربەیان كێشەكان بەرەو چارەسەرکردن چوون، بۆ ئەوەی بە زووترین کات دەست بە پرۆسەی بەرهەمهێنانی گازی سرووشتی بکرێتەوە بۆ وێستگەكانی بەرهەمهێنانی كارەبا.

دەقی راگەیەندراوەکە:

زۆربەی كێشە تەكنیکییەكانی داناگاز چارەسەر كراوە و هەر کاتێک دەست گواستنەوەی گازی سرووشتی بۆ وێستگەکانی کارەبا كرا، هاووڵاتیانی كوردستان ئاگادار دەكەینەوە.

ئەمڕۆ تیمێکی هەردوو وەزارەتی سامانە سرووشتییەکان و وەزارەتی كارەبا بە سەرپەرشتیی بریکاری وەزارەتی سامانە سروشتییەكان و وەزارەتی كارەبا و بە ئامادەبوونی بەڕێوەبەرانی گشتیی دیوانی وەزارەت و بەرهەمهێنانی كارەبا و كۆنترۆڵی كارەبای هەرێم و راوێژكاری ئابووری لەگەڵ بەرپرسانی کۆمپانیای داناگاز سەرقاڵی چارەسەرکردنی کێشە تەکنیکییەکانی بەرهەمهێنان بوون، کە زۆربەیان كێشەكان بەرەو چارەسەرکردن چوون، بۆ ئەوەی بە زووترین کات دەست بە پرۆسەی بەرهەمهێنانی گازی سرووشتی بکرێتەوە بۆ وێستگەكانی بەرهەمهێنانی كارەبا.

هەر بە دەستپێکردنی بەرهەمهێنانی گاز راستەوخۆ بۆ وێستگەکانی کارەبا دەگوازرێتەوە و هاووڵاتیانی کوردستان لە هەر پێشوەچوونێکی پرۆسەکە ئاگادار دەکەینەوە.

وەزارەتی سامانە سروشتییەكان
وەزارەتی كارەبا
29/11/2025

PUKMEDIA