نرخی دۆلار جێگیر ده‌بێته‌وه‌

PUKMEDIA

دۆلاری ئەمریکی

خاوه‌نی نوسینگه‌یه‌كی ئاڵوگۆڕی دراو رایده‌گه‌یه‌نێت: هه‌ندێك له‌كه‌ناڵه‌كانی راگه‌یاندن له‌سه‌ر نرخی دۆلار زانیاری ناڕ‌است بڵاوده‌كه‌نه‌وه‌ یاخود پسپۆڕ‌انی ئابووری به‌شێوه‌یه‌كی نادروست شیكاری بۆدۆخی دراو له‌عیراق و هه‌رێمی كوردستان ده‌كه‌ن و ئه‌مه‌ش نرخی دۆلاری بۆ كاتی به‌رزكرده‌وه‌.

شوان هادی خاوه‌نی نوسینگه‌یه‌كی ئاڵوگۆڕی دراو له‌بازاری دراوه‌كه‌ی شاری سلێمانی به‌ وێبسایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند: دوێنێ نرخی دۆلار كه‌مێك به‌رزبووه‌وه‌ كه‌ ناتوانین بڵێین جێگه‌ی مه‌ترسییه‌ و نرخه‌كه‌ به‌رزتر ده‌بێته‌وه‌، به‌جۆرێك ئه‌مڕ‌ۆ نرخه‌كه‌ ئاسایی بووه‌ته‌وه‌و نرخی 100 دۆلاری ئه‌مریكی به‌رامبه‌ر به‌ 141 هه‌زار و 800 مامه‌ڵه‌ی پێوه‌ده‌كرێت.

راشیگه‌یاند: هه‌ندێك له‌ كه‌ناڵه‌كانی راگه‌یاندن له‌سه‌ر نرخی دۆلار زانیاری ناڕ‌است بڵاوده‌كه‌نه‌وه‌ یاخود پسپۆڕ‌انی ئابووری به‌شێوه‌یه‌كی نادروست شیكاری بۆ دۆخی نرخی دۆلار له‌هه‌رێمی كوردستان و عیراق ده‌كه‌ن و باس له‌وه‌ده‌كه‌ن حكومه‌تی عیراق پێویستی به‌ پاره‌ی كاشه‌، ئه‌مه‌ش واده‌كات بانكی ناوه‌ندی دۆلارێكی زیاتریان بخاته‌ بازاڕه‌وه‌، له‌م كاته‌شدا پێویسته‌ به‌های دینار به‌رزببێته‌وه‌، چونكه‌ خواست له‌سه‌ر دۆلار زیاد ده‌كات، نه‌ك به‌وشێوه‌یه‌ی لێكدانه‌وه‌ی بۆ ده‌كرێت.

سه‌باره‌ت به‌و سزایانه‌ی ئه‌مریكا ده‌یخاته‌ سه‌ر بانكه‌كانی عیراق، شوان هادی خاوه‌نی نوسینگه‌یه‌كی ئاڵوگۆڕی دراو له‌بازاڕی دراوه‌كه‌ی شاری سلێمانی ئاماژه‌ی به‌وه‌كرد، ئه‌و سزایانه‌ی ئه‌مریكا بۆ سه‌ر بانكه‌ لاوه‌كییه‌كانه‌، ئه‌مه‌ش هیچ كاریگه‌رییه‌ك له‌سه‌ر به‌رزبوونه‌وه‌ و نزمبوونه‌وه‌ی نرخی دۆلار دروست ناكات و له‌ئێستادا نرخی دۆلار جێگیره‌و ئه‌و به‌رزبوونه‌وه‌ی روویدا ته‌نها كاتیی بوو.

ئەمەش لەکاتێدایە، لە چەند مانگی رابردووە نرخی دۆلار گۆڕانکاری بەسەردا نەهاتووە و  بەجێگیری ماوەتەوە، تە نها دوێنێ نرخەکەی گەیشتە 143 هەزار و ئەمڕۆش نرخەکە جیگیر بووەوە و نرخی 100 دۆلاری ئه‌مریكی به‌رامبه‌ر به‌ 141 هه‌زار و 800 مامه‌ڵه‌ی پێوه‌ده‌كرێت

PUKMEDIA