riklam

حکومەتی هەرێم بڕیارێک لەبارەی پەخشی کەناڵەکانی بین سپۆرتەوە دەدات

کوردستان 10:19 AM - 2025-11-25
beIN SPORTS کەناڵی beIN SPORTS

beIN SPORTS

وەرزش

بڕیارێکی نوێ لەبارەی پەخشکردنی کەناڵەکانی (beIN SPORTS) دەردەکرێت و داوای راگرتنی پەخشی نایاسایی ئەو کەناڵانە دەکرێت، کە پەخشی ئۆنلاین (IPTV)ی کەناڵەکانی "بین سپۆرت" بەبێ مۆڵەت پەخش دەکەنەوە.

بەپێی نووسراوێکی رەسمیی وەزارەتی گواستنەوە و گەیاندنی حکومەتی هەرێمی کوردستان کە لە رۆژی 17ی11ی2025 ئاراستەی کۆمپانیاکانی خزمەتگوزاریی ئینتەرنێت کراوە، تیایدا ئاماژە بەوەکراوە، پێویستە پەخشی ئۆنلاین (IPTV)ی کەناڵەکانی "بین سپۆرت" کە لەلایەن هەندێک لە کەناڵە ناوخۆییەکانەوە بەبێ مۆڵەت و بەشێوەی نایاسایی پەخش دەکرێنەوە، رابگیرێن.

هەروەها وەزارەتی گواستنەوە و گەیاندن مۆڵەتی یەک مانگی بۆ کۆمپانیاکان دیاریکردووە بۆ جێبەجێکردنی بڕیارەکە، کە ئامانج لێی پاراستنی مافی خاوەندارێتی فیکری و رێگریکردنە لەو سەرپێچییانەی دەکرێنە سەر مافی پەخش و بڵاوکردنەوە.
لە بەشێکی تری بڕیارەکەدا جەخت لەوە کراوەتەوە، هەر کەناڵێک بیەوێت لەڕێگەی ئینتەرنێتەوە پەخشی دامەزراوەی (beIN SPORTS)  بکات، دەبێت لە رێگەی بریکاری رەسمیی ئەو دەزگایەوە بێت و رەچاوی یاسا و رێنماییە بەرکارەکانی حکومەتی هەرێمی کوردستان بکات.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket