وەزارەتى خوێندنى باڵا: 800 کورسی خوێندن لەنێوان هەرێم و بەغداد ئاڵوگۆڕ دەکرێن

PUKMEDIA

وەزارەتى خوێندنى باڵا و توێژینەوەى زانستى

وەزارەتى خوێندنى باڵا رایگەیاند: دەرچوانى دوانزەى ئامادەیی هەرێم، لە ئێستاوە دەتوانن بە ئۆنڵاین داواکارى بۆ وەرگرتن لە زانکۆکانى ناوەراست و باشورى عیراق پێشکەش بکەن و هاوکات دەرچوانى دوانزەى ئامادەیی ناوەڕاست و باشورى عیراقیش دەتوانن لە ئێستاوە بە ئۆنڵاین داواکارى بۆ وەرگرتن لە زانکۆکانى هەرێمى کوردستان پێشکەش بکەن.

ئەمڕۆ پێنجشەممە 20ى11ى2025، وەزارەتى خوێندنى باڵا و توێژینەوەى زانستى، رایگەیاند:  دەرچوانى دوانزەى ئامادەیی هەرێمى کوردستان (2025-2024)، لە ئێستاوە دەتوانن بە ئۆنڵاین داواکارى بۆ وەرگرتن لە زانکۆکانى ناوەراست و باشورى عیراق پێشکەش بکەن، هاوکات دەرچوانى دوانزەى ئامادەیی ناوەڕاست و باشورى عیراقیش دەتوانن لە ئێستاوە بە ئۆنڵاین داواکارى بۆ وەرگرتن لە زانکۆکانى هەرێمى کوردستان پێشکەش بکەن.

ئەوەشروونکراوەتەوە: لە ئەنجامى هەماهەنگى نێوان وەزارەتى خوێندنى باڵا و توێژینەوەى زانستى هەرێم لەگەڵ وەزارەتى خوێندنى باڵا و توێژینەوەى زانستى حکومەتى فیدرال، بڕیار درا بە دابینکردنى (400) کورسى خوێندن لە زانکۆ و پەیمانگەکانى ناوەراست و باشورى عیراق بۆ خوێندکاران و قوتابیانى دوانزەى ئامادەیی هەرێمى کوردستان، بەپێچەوانەوەش دابینکردنى (400) کورسى خوێندن لە زانکۆ و پەیمانگەکانى هەرێمى کوردستان بۆ خوێندکاران و قوتابیانى دوانزەى ئامادەیی ناوەراست و باشورى عیراق.

ئاماژەبەوەشدرا: بۆ ئەم مەبەستە لە ئێستاوە سەرجەم دەرچوانى دوانزەى ئامادەیی هەرێمى کوردستان و ناوچەکانى دیکەى عیراق لە رێگەى لینکى هاوپێچ لە وێبسایتى زانکۆلاین دەتوانن لە داواکارى پێشکەش بکەن.

ئەوەشخراوەتەڕوو: دەرچوانى دوانزەى ئامادەیی هەرێمى کوردستان لە رێگەى لینکى (regayzanko.com) داواکارى بۆ وەرگرتن لە زانکۆ و پەیمانگەکانى ناوەراست و باشورى عیراق تاکو رۆژى سێشەممە رێکەوتى (2025/11/25) دەتوانن پێشکەش بکەن و دەرچوانى دوانزەى ئامادەیی ناوەراست و باشورى عیراق لە رێگەى لینکى (regayzanko.com) داواکارى بۆ وەرگرتن لە زانکۆ و پەیمانگەکانى هەرێمى کوردستان تاکو رۆژى سێشەممە رێکەوتى (2025/11/25) دەتوانن پێشکەش بکەن.

PUKMEDIA