سه‌ركرده‌یه‌كی پارتی خه‌ڵكی كه‌ركوك به‌بێ ئاگا و خه‌وتوو ناوده‌بات

PUKMEDIA

کەرکوک

سه‌ركرده‌یه‌كی پارتی له‌كه‌ركوك خه‌ڵكی شاره‌كه‌ به‌خه‌وتوو و بێ ئاگا ناو ده‌بات، له بەرامبەردا به‌توندی وه‌ڵامی ده‌درێته‌وه‌ و گروپی گه‌نجانی شارپارێزی كه‌ركوك پێی ده‌ڵێن، بێ ئاگایی خۆت له‌شاره‌كه ‌و كه‌می به‌ده‌ستهێنانی ده‌نگه‌كانتان سه‌غڵه‌تی كردوون.

قادر خه‌چاخ سه‌ركرده‌ی پارتی له‌ كه‌ركوك له‌نوسینێكیدا ئاماژه‌ بۆ ئه‌وه ‌ده‌كات: "وادیاره‌ هێشتا سێ به‌شی كه‌ركوك بێئاگان و كپ و ماتن و بێهۆشن"، ئه‌م وتانه‌ی ئه‌و سه‌ركرده‌یه‌ی پارتی پێده‌چێت به‌هۆی كه‌مبوونه‌وه‌ی ده‌نگه‌كانی پارتییه‌وه‌ بێت له‌شاره‌كه‌.

 له‌به‌رامبه‌ردا گروپی گه‌نجانی شارپارێزی كه‌ركوك به‌توندی وه‌ڵامی ده‌ده‌نه‌وه‌و پێی ده‌ڵێن: "بێ ئاگایی خۆت له‌شاره‌كه ‌و كه‌می به‌ده‌ستهێنانی ده‌نگه‌كانتان سه‌غڵه‌تی كردوون، خه‌ڵكی شار وریاو به‌ئاگان و ئه‌وه‌ ئێوه‌ن كه‌ بێئاگان له‌وه‌ی كه‌ له‌كه‌ركوك رووده‌دات و چاوتان ته‌نها له‌سه‌ر‌وه‌ت و سامانی شاره‌كه‌یه‌ و له‌كاتی نه‌هامه‌تییه‌كانیشدا هه‌ڵدێن و پشت له‌كه‌ركوكییه‌كان ده‌كه‌ن.

پارتی دیموكراتی كوردستان له‌هه‌ڵبژاردنی خولی شه‌شه‌می په‌رله‌مانی عیراقدا كه‌ رۆژی 11ی11ی2025 ئه‌نجامدرا، ته‌نها یه‌ك كورسی له‌شاره‌كه‌ به‌ده‌ستهێنا، ئه‌مه‌ش وایكردوه‌ سه‌ركرده‌كانی ئه‌و حزبه‌ بكه‌ونه‌ توانج و تانه‌دان له‌خه‌ڵكی كه‌ركوك و به‌بێ ئاگاو خه‌وتوو ناویان بهێنن.

PUKMEDIA