riklam

عیراق توانای بەرگری خۆی بەهێز دەكات

عیراق 08:09 PM - 2025-11-16
وەزارەتی بەرگری عیراق راگەیاندنی وەزارەتی بەرگری عیراق

وەزارەتی بەرگری عیراق

عيراق

عیراق توانای بەرگری بەهێز دەكات و چەند گرێبەستێك لەگەڵ وڵاتان بۆ بەهێزكردنی توانای بەرگری ئاسمانی، لەوانە كۆریای باشوور، دەكات.

لیوا تەحسین خەفاجی، بەڕێوەبەری راگەیاندنی وەزارەتی بەرگری عیراق راگەیاند: گرێبەستیان لەگەڵ ئەو وڵاتانە كردووە كە توانای بەرز و پێشكەوتوویان لە بواری بەرگری ئاسمانیدا هەیە، لەوانەش كۆریای باشوور، چونكە خاوەنی سیستمی تەكنەلۆژیای پێشكەوتووە.

لەبارەی فڕۆكە عیراقییەكانەوە، خەفاجی جەختی كردەوە، كە مەیلێك هەیە بۆ زیادكردنی ژمارەی فڕۆكەكان بەپێی تواناكانی دارایی بەردەست، روونیشیكردەوە ئەوەی عیراق لەئێستادا هەیەتی لە ژمارەی فڕۆكە شەڕەكەرەكان، بەسە، بەڵام عیراق خوازیارە فڕۆكەی دیكەی فرە ئامانجی هەبێت بۆ بەهێزكردنی تواناكانی.

راشیگەیاند: خشتەیەكی ئامادەكراو و پەسەندكراو لەلایەن هەردوو وڵاتەوە هەیە بۆ گەیاندنی سیستمەكانی بەرگری ئاسمانی بە عیراق لە ماوەی ساڵی داهاتوودا.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket