ئۆپراسیۆنه‌كانی ئاسایش سوپاسی سێ گه‌نجی خورماتوو ده‌كات

راگەیاندنی دەزگای ئاسایش

پشتیوانی زیاتر له‌ گه‌نجانی پارێزه‌ری ئاڵای كوردستان دەکرێت

به‌ڕ‌ێوه‌به‌رایه‌تی گشتیی ئۆپراسیۆنه‌كانی ئاسایش رایده‌گه‌یه‌نێت، پشتیوانی زیاتر له‌ گه‌نجانی پارێزه‌ری ئاڵای كوردستان ده‌كه‌ین.

له‌ڕ‌ۆژی 11ی11ی2025 سێ گه‌نج له‌قه‌زای خورماتوو، له‌سه‌ر هه‌ڵكردنی ئاڵای پیرۆزی كوردستان، رووبه‌ڕ‌وی لێدان و ته‌شهیركردن بوونه‌وه‌، له‌سه‌ر ئه‌م رووداوه‌ ده‌زگای ئاسایشی هه‌رێم و به‌ڕ‌ێوه‌به‌رایه‌تی گشتی ئۆپراسیۆنه‌كانی ئاسایش، ده‌ستبه‌جێ به‌دواداچوونیان ئه‌نجامداو گفتوگۆ له‌گه‌ڵ لایه‌نی په‌یوه‌ندیدار كرا بۆ سزادانی لایه‌نی سه‌رپێچیكار.

دوای رووداوه‌كه‌، ئه‌و چه‌ند گه‌نجه‌ له‌لایه‌ن ده‌زگای ئاسایشی هه‌رێم و به‌ڕ‌ێوه‌به‌رایه‌تی گشتیی ئۆپراسیۆنه‌كانی ئاسایش بانگهێشتكران و له‌نه‌خۆشخانه‌كانی سلێمانی چاره‌سه‌ری ته‌ندروستییان بۆ ئه‌نجامدرا و دواتر سوپاس و پێزانیان پێشكه‌شكرا و به‌ڵێنی پشتیوانی زیاتریان پێدرا.

PUKMEDIA