کۆتایى بە زیاتر لە 34 ملیۆن کەناڵ و گروپى تیلیگرام هات

Wallpapers4screen

لۆگۆى تیلیگرام

پێگەی رەسمی تیلیگرام بڵاویکردەوە: لە سەرەتای ئەمساڵەوە تائێستا 34 ملیۆن و 913 کەناڵ و گروپ سڕاونەتەوە، چونکە پەیوەندییان بە تیرۆرەوە هەبووە.

ئاماژەبەوەشدراوە:  لە یەک رۆژدا 500 گروپ و کەناڵی لەناو تۆڕەکەیدا بلۆک کردووە و تەنها دوێنێ پێنجشەممە 519 هەزار و 645 گروپ و کەناڵ بلۆک کراون.

بەپێی ئەو داتایانەی لە پێگەی رەسمی پلاتفۆڕمی تیلیگرام بڵاوکراونەتەوە، لە سەرەتای ئەم مانگەوە تائێستا دوو ملیۆن و 810 و 95 گروپ و کەناڵ بلۆککراون و لە سەرەتای ئەمساڵەوە تائێستا 34 ملیۆن و 913 کەناڵ و گروپ سڕاونەتەوە، کە پەیوەندییان بە تیرۆرەوە هەبووە.

لە ساڵی 2024 ەوە تیلیگرام بۆ کۆنتڕۆڵکردنی بەکارهێنەرانی و چاودێریکردنی لە رێگای زیرەکی دەستکردەوە هەوڵەکانى چڕتر کردووەتەوە، لەبەرئەوە ئاسانتر دەتوانێت دەستى بەو کەناڵانە بگات، کە مەرجەکانى بەکارهێنان پەیڕەو ناکەن.

PUKMEDIA