کفری میوانداری تیمی میساکی ئیتاڵی دەکات

راگەیاندنى بەڕێوەبەرایەتی شوێنەوار و کەلەپوری کفری

وێنەى سەردانێکى تیمەکە

بەڕێوەبەرایەتی شوێنەوار و کەلەپوری کفری بڵاویکردۆتەوە، ئەمڕۆ هەینى تیمی میساکی ئیتاڵی بە هەماهەنگی لەگەڵ بەرێوەبەرایەتی شوێنەوار و کەلەپووری گەرمیان سەردانی بەڕێوەبەرایەتی شوێنەوار و کەلەپوری کفریان کرد.

هەر لە بڵاوکراوەکەدا ئەوەشخراوەتەڕوو: هەندێک لە شوێنە شوێنەوارییەکانى ناوچەکەیان بەسەرکردوەتەوە، هەروەها ئامانجی سەردانەکەیان بۆ  مەبەستی لێکۆڵینەوە و دۆکۆمێنت کردن و دیراسەکردنى شوێنە کەلەپوریەکانی شاری کفری و دەوروبەری بووە، هەروەها ئامادەکاری بۆ کاری چاککردنەوە و هەڵکۆڵین لە چەند شوێنێک لە داهاتودا.

ئاماژەبەوەشدراوە: تیمی میساکی ئیتاڵی لە چەند ناوچەیەکی کوردستان و گەرمیان بەشداریان لە کاری هەڵکۆڵین و نۆژەنکردنەوەی کۆمەڵێک شوێنی شوێنەواری و کەلەپوری کردوە.

PUKMEDIA