مەکتەبی راگەیاندن و هۆشیاری: هیوادارین بەگیانی نەتەوەیی و نیشتمانیی بۆ یەکڕیزی هەنگاوبنێین

PUKMEDIA

مەكتەبی راگەیاندن و هۆشیاری

مەکتەبی راگەیاندن و هۆشیاری یەکێتیی نیشتمانیی کوردستان، بۆ یادى 241 ساڵەى بونیادنانى سلێمانى پەیامێکى بڵاوکردەوە و رایگەیاند: ئەمڕۆ لە کاتێکدا ئەم یادە دەکەینەوە، کە گەلەکەمان لە بەردەم کۆمەڵێک ئاڵنگاریی و پێشهاتدایە، هیواداراین هەموولایەکمان بە گیانی نەتەوەیی و نیشتمانیی هەنگاوبنێین بۆ یەکڕیزی نیشتمانیی و بە پێکەوەییمان، خزمەتی گەلەکەمان و هەرێمەکەمان بکەین .

دەقى پەیامەکە:

لەیادی 241 ساڵەی بوونیادنانی شاری شاران، سلێمانیە حەیاتەکە لە دڵەوە پیرۆزبایی گەرم لە هەموولایەک دەکەین و هیوادارین ئەم رۆژە ببێتە مایەی هاندانی زیاتر بۆ خزمەتکردنی سلێمانی ئازیز . 

سلێمانی پێگە و مەزنیی و ناوناوبانگی لە رووداوە مێژوویی، سیاسی، کۆمەڵایەتییەکاندا بەشێکە لە شانازییەکانی گەلەکەمان و بە تەمەنێکی کەمەوە، لە پێشەوەی گۆڕانکارییەکاندا بووە و قەڵەمڕەویی سیاسی ، ئەدەبی ،هونەری ، فەرهەنگی ، کولتووری و شۆرشگێڕیی ،وای کردووە ببێتە شارە حەیاتەکە .

ئەمڕۆ لە کاتێکدا ئەم یادە دەکەینەوە، کە گەلەکەمان لە بەردەم کۆمەڵێک ئاڵنگاریی و پێشهاتدایە، هیوادارین هەموولایەکمان بە گیانی نەتەوەیی و نیشتمانیی هەنگاوبنێین بۆ یەکڕیزی نیشتمانیی و بە پێکەوەییمان، خزمەتی گەلەکەمان و هەرێمەکەمان بکەین .

بەدڵنییاوە مەزنی سلێمانی، شارەکەی شێخی نەمر و پیاوچاکان و شەهیدان  و مێژووکەی بەرپرسیارێتیمان زیاتر دەکات، کە لە ئاست گەورەیی خەڵکە خۆشەویستەکەیدا بین و بە خزمەتی زیاتر مافی ئەم گەورەییەی  شاری شاران بدەینەوە . 

مەکتەبی راگەیاندن و هۆشیاری یەکێتیی نیشتمانیی کوردستان

PUKMEDIA