سەرۆک بافڵ: بەهێزیمان پاراستنی مافەکانمانە لەبەغداد

راگەیاندنی سەرۆک بافڵ

سەرۆک بافڵ و کونسوڵی گشتیی بەریتانیا لە هەرێمی کوردستان

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە ئەندرۆ بیزلی، کونسوڵی گشتیی بەریتانیا لە هەرێمی کوردستان کرد.

لە دیدارێکدا ئەنجامەکانی هەڵبژاردنی ئەنجوومەنی نوێنەرانی عیراق تاوتوێکرا و جەخت لە بەردەوامی هەماهەنگی نێوان لایەنەکان لەپێناو پاراستنی سەقامگیری و ئارامی لە وڵاتدا کرایەوە.

سەرۆک بافڵ پێویستی یەکگرتوویی و یەکڕیزیی کوردی لەم قۆناغە دووپاتکردەوە و وتی، بەهێزیمان و پاراستنی مافەکانمان پەیوەستە بە تەبایی و پێکەوەیمان لە بەغداد.

لەبارەی کێشەکانی هەرێمی کوردستان و عیراق، سەرۆکی یەکێتیی نیشتمانیی کوردستان رایگەیاند، هەموو هەوڵێک دەدەین تاوەکو لەسەر بنەمای دەستوور پرسەکان یەکلابکەینەوە، تاوەکو چی دیکە خەڵک نەکرێنە قوربانی و حکومەتێک لە عیراق بنیادبنرێت کە خزمەتگوزاربێت و خزمەتی هەمووان بکات بەبێ جیاوازی.

PUKMEDIA