ئەمڕۆ چەند وەزارەت و دەستەیەک مووچەی مانگی شوبات وەردەگرن

PUKMEDIA

دینارى عیراقى

ئەمڕۆ دووەم رۆژى دابەشکردنى مووچەى مانگى شوباتە لە هەرێمى کوردستان و بەپێی ئەو خشتەیەی کە وەزارەتی دارایی حکومەتی هەرێمی کوردستان بڵاویکردووەتەوە ئەمڕۆ چەند دەستە و وەزارەتێک مووچە وەردەگرن.

ئەمڕۆ چوار شەممە 11ى3ى2026 بەپێی ئەو خشتەیەی کە وەزارەتی دارایی حکومەتی هەرێمی کوردستان بڵاویکردووەتەوە، مافی مرۆڤ، دەستەی دەستپاكی، دەستەی وەبەرهێنان، دەستەی ژینگە، دەزگای مین، ناوچەكانی دەرەوەی هەرێم، كۆمسیۆنی باڵای هەڵبژاردن، دیوانی چاودێری دارایی، خاوەن پێداویستی تایبەت، ئاوەدانكردنەوە و نیشتەجێكردن، دارایی و ئابوری، ناوخۆ، داد، ئەنجومەنی دادوەری، پلاندانان، بازرگانی و پیشەسازی، سامانە سروشتییەكان، گواستنەوە و گەیاندن، كشتوكاڵ و سەرچاوەكانی ئاو، شارەوانی و گەشتوگوزار، كاروكاروباری کۆمەڵایەتی، رۆشنبیری و لاوان، كارەبا، ئەوقاف و كاروباری ئاینی، هێزی زێرەڤانی و فەرماندەی بەرگری فریاكەوتن، سەرۆكایەتی پەرلەمان، سەرۆكایەتی ئەنجومەنی وەزیران، سەرۆكایەتی هەرێم مووچە وەردەگرن.

هاوكات رۆژی پێنجشەممە كۆتایی بەدابەشكردنی مووچە دێت و یەكەی 70 و 80، پێشمەرگە (دیوان،لیواكان) ب. پۆلیسی دام و دەزگا نەوتییەكان و ئەنجومەنی ئاسایش و دەزگای ئاسایش مووچە وەردەگرن.

ئەمەش لەكاتێكدایە، 9ی3ی2026، دواین گوژمەی تەمویلی مووچەی مانگی شوبات خرایە سەر هەژماری بانكی وەزارەتی دارایی و وەزارەتەكەش رایگەیاند: بڕی ( 295 ) ملیارو ( 405 ) ملیۆن دینار وەك دواین گوژمەی تەمویلی مووچەی مانگی شوباتی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری لەلقی هەولێری بانكی ناوەندی عیراق.

خشتەی مووچەی مانگی دووی فەرمانبەران:



PUKMEDIA