ئەنجومەنی نوێنەران دەنگ بە لیژنە هەمیشەییەکان دەدات

PUKMEDIA

ئەنجومەنی نوێنەرانی عیراق

بڕیارە ئەمڕۆ ئەنجومەنی نوێنەرانی عیراق، بۆ دەنگدان بە ئەندامانی لیژنە هەمیشەییەکان و گفتوگۆی گشتی کۆببێتەوە.

بەپێی کارنامەى ئەنجوومەنى نوێنەران، ڕۆژى 11ى3ى2026، سەعات نۆی شەو، کۆبوونەوەکە بەڕێوەدەچیت و ئەندامانی لیژنە هەمیشەییەکان هەڵدەبژێردرێت و دەنگى لەسەر دەدرێت.

 هاوکات لە بڕگەی دووەمدا، گفتوگۆی گشتی ئەنجامدەدرێت.

ئەمەش لەکاتێکدایە، ڕۆژى دوو شەممە،ئەنجوومەنى نوێنەران دەنگیدا لەسەر لیژنەی (رەفتاری ئەنجوومەنى نوێنەران) و ئەندامانی لیژنەی یاسایی، دەنگدانی لەسەر لیژنەكانی دیکە بۆ ئەمڕۆ دواخست.

دەنگدان بە ئەندامانی لیژنە هەمیشەییەکان، ناکۆکی فراکسیۆنەکانی پەرلەمانی لێکەوتووەتەوە، بڕیاربوو لە دانیشتنی دوو شەممەدا ئەنجوومەنى نوێنەران، دەنگ لەسەر ئەندامانی 26 لیژنە بدات، بەڵام ناكۆكی لەبارەی ئەندامێتی لە لیژنەكان هۆكاری دواخستنی دەنگدان بووە لەسەر لیژنەكانی دیکە.

PUKMEDIA