ئاسۆ مامەند: یەکێتی راستگۆ بووەو بەڵێنەکانی بەجێهێناوە

PUKMEDIA

ئاسۆ مامەند، سەرپەرشتیاری كەركوك-سەڵاحەدینی یەكێتی

سەرپەرشتیاری كەركوك-سەڵاحەدینی یەكێتی رایدەگەیەنێت: زیادبونی دەنگ و کورسییەکانی یەکێتیی نیشتمانیی کوردستان لەم هەڵبژاردنە سەلمێنەری ئەو راستیەیە کە یەكێتی لەگەڵ هاووڵاتییان و جەماوەرەكەیدا راستگۆ بووە و بەڵێنەكانی خۆی جێبەجێ كردووە.

ئەمڕۆ پێنجشەممە 13-11-2025 ئاسۆ مامەند سەرپەرشتیاری كەركوك-سەڵاحەدینی یەكێتی لە راگەیەنراوێكدا بڵاویكردەوە: لە هەڵبژاردنی ئەنجومەنی نوێنەرانی عیراقدا لە ساڵی 2021 یەكێتی 3 كورسی بەدەستهێنا، بەڵام لەم هەڵبژاردنەدا ژمارەی كورسییەكانی بۆ 4 كورسی بەرزبوونەوە، هەروەها بەراورد بە هەڵبژاردنی ئەنجومەنی پارێزگای كەركوكیش لەم هەڵبژاردنەدا یەكێتی نزیكەی 30 هەزار دەنگ زیادی كردووە."

دەشڵێت: ئەوەش سەلمێنەری ئەو راستییەیە كە یەكێتیی نیشتمانیی كوردستان لەگەڵ هاووڵاتییان و جەماوەرەكەیدا راستگۆ بووە و بەڵێنەكانی خۆی جێبەجێ كردووە.

سەرپەشتیاری كەركوك سەڵاحەدینی یەكێتی جەختدەكات لەوەی حزبەكەی لە خزمەتكردنی كەركوك و پاراستنی خەڵكەكەی بەردەوام دەبێت و هیچ هۆكارێك رایان ناوەستێنێت: تا دوا هەناسەمان خزمەتیان دەكەین و دڵنیایان دەكەینەوە؛ كەركوك دەكەینە كەركوكێكی گەشەسەندووی نمونەیی و روحی رەوانشاد سەروك مام جەلال ئاسودە دەكەین.

PUKMEDIA