پرۆسەی دەنگدانی گشتی کۆتایی هات

PUKMEDIA

کۆتایی هاتنی پرۆسەی دەنگدان

 پرۆسەی دەنگدانی گشتی لەعیراق و هەرێمی کوردستان کۆتایی هات و سندوقەکانی دەنگدان لە کاتی خۆیاندا بەشێوەیەکی ئەلیکترۆنی داخران.

ئەمڕۆ 11ی11ی2025، سه‌عات 7:00ی سەرلەبه‌یانی،هه‌شت هه‌زار و 703 بنكه‌ی ده‌نگدان كه‌ له‌ 39 هه‌زار و 285 وێستگه‌ پێكدێن به‌ڕ‌وی ده‌نگده‌رانی عیراق و هه‌رێمی كوردستان كرانه‌وه، کە دەنگدەران لە کۆی حەوت هەزار و 700 کاندید 329 کاندید دەکەنە ئەندامی ئەنجومەنی نوێنەرانی عیراق.

 ئەمەش لەکاتێکدایە، رۆژی 9ی11ی2025، پرۆسەی دەنگدانی تایبەت لە عیراق و هەرێمی کوردستان بەڕێوەچوو، کە تیایدا زیاتر لە ملیۆنێک و 100 هەزار دەنگدەر بەشداریان لە دەنگداندا کرد و رێژەی بەشداریش 82.48% بوو.

هەرچەندە پرۆسەکە بەشێوەیەکی باش بەڕێوەچوو، بەڵام رێژەی بەشداری دەنگدەران  لە هەرێمی کوردستان و عیراق وەک پێویست نەبوو، تەنانەت لە بەشێک لە پارێزگاکانی عیراق زۆر لاواز بوو.

PUKMEDIA
‌