خالید شوانی: متمانەمان بە دەنگدەرانی خۆمانە

PUKMEDIA

خالید شوانی

خالید شوانی دەڵێت: متمانەمان بە دەنگدەرانی خۆمانە و دڵنیاین بە دەنگەکانیان ئەم ئیدارەیەی ئێستای کەرکوک دەپارێزن و جارێکیتر ناهێڵین، راکان جبوری و هاوشێوەکانی بگەڕێنەوە دەسەڵات.

خالید شوانی لە کۆنگرەیەکی رۆژنامەوانیدا داوا لە خەڵکی کەرکوک دەکات بەرەو سندوقەکانی دەنگدان بڕۆن و ویژدانی خۆیان ئاسودە بکەن، راشیدەگەیەنێت: ئێمە متمانەمان بە دەنگدەرانی خۆمان هەیە و دڵنیاین هاووڵاتیان بە دەنگدانیان ئەم ئیدارەیەی ئێستای کەرکوک دەپارێزن.

وتیشی: هەندێک لایەنی عەرەبی و بەتایبەتیش راكان جبوری كە بەهۆی تێوەگلان لە گەندەڵی و چەندین دۆسیەی یاسایی لە ئەركەكەی دورخرایەوە، خەڵکی کەرکوک چەواشە دەکەن و داوا دەکەن برا عەرەبەکان بچن دەنگ بدەن بۆ ئەوەی ئەم ئیدارەیەی ئێستای کەرکوک بڕوخێت، بەڵام پێیان دەڵێین جارێکیتر رێگا نادەین راکان جبوری و هاوشێوەکانی بگەڕێنەوە دەسەڵات.

ئەوەشی وت: داوا لە گەنجانی کەرکوک دەکەم شەقامەکان نەگرن و رێگا بەخەڵک بدەن ئەم چەند سەعاتەی ماوە بچن دەنگەکانیان بدەن و هاوکاریان بن، چونکە ئەم هەڵبژاردنە چارەنوسسازە.

PUKMEDIA