شاڵاو کۆسرەت رەسوڵ: ئەمڕۆ رۆژێکی مێژووی و چارەنوسسازە

PUKMEDIA

شاڵاو کۆسرەت رەسوڵ

شاڵاو کۆسرەت رەسوڵ و دەرباز کۆسرەت رەسوڵ دەنگیانداو رایانگەیاند: ئەمڕۆ رۆژێکی مێژوویەو پێویستە هاووڵاتیان بچنە سەر سندوقەکانی دەنگدان و نوێنەری راستەقینەی خۆیان هەڵبژێرن کە بتوانێت مافەکانیان لەبەغدا بەدیبێنێت.

شاڵاو کۆسرەت رەسوڵ: جیاوازی خزمەت لەهەولێر ناهێڵین

شاڵاو کۆسرەت رەسوڵ وەک یەکەم دەنگدەری بنکەیەکی دەنگدان لەهەولێر دەنگیداو رایگەیاند: ئەمڕۆ رۆژێکی مێژوویە، پێویستە خەڵکی هەرێم و عیراق بۆ دەنگدان بە لیستی دڵخوازی خۆیان بچنە سەر سندوقەکانی دەنگدان.

وتیشی: لەساڵانی رابردوو ئەو لیستە دەرکەوت کە دەتوانێت گۆڕانکاری جدی و ریشەیی بکات، وەک یەکێتی لەسەر پەیامی خۆمانین و بە پشتیوانی خەڵکی کوردستان و هەولێر هەر رۆژێک هەولێر وەردەگرینەوەو جیاوازی خزمەت ناهێڵین، وەک چۆن لەهەولێر کار بۆ گەڕەکە فەقیر نشینەکان ناکرێت و خزمەتگوزارییەکان سنوردارن، ئێمە ئەو فەرق و جیاوازییە ناهێڵین.

دەرباز کۆسرەت رەسوڵ: نوێنەرانی یەکێتی دەبنە داکۆکیکاری راستەقینەی مافی خەڵک

هاوکات دەرباز کۆسرەت رەسوڵ لەدوای دەنگدانی خۆی رایگەیاند: بەشداریکردن لە هەڵبژاردن ئەرکە و مافیشە، بۆیە داوا لەخەڵکی هەولێر دەکەم دەنگ بەو لایەنە بدەن کە بەنوێنەری راستەقینەی خۆیانی دەزانن، چونکە ئەم هەڵبژاردنە چارەنوسسازە.

وتیشی: لە چوار ساڵی داهاتوودا ئەو مافانەی زەوتکراوە بەدەستی دەهێنینەوە، ئەویش بە چونە سەر سندوقەکانی دەنگدان دەبێت و دڵنیابن نوێنەرانی یەکێتی دەبنە داکۆکیکاری راستەقینەی مافی خەڵک، چارەسەری پرسی مووچەو قوتی خەڵکیش کاری لەپێشینەی یەکێتییە.

ئەوەشی وت: یەکێتی مێژوویەکی پڕ لە سەروەری هەیە و لەرابردوودا خەڵکی زۆر لەوانەی ئێستا بەهێزتر لە ریزەکانی یەکێتی چونەتە دەرەوەو یەکێتی هەر بەهێزتر بووە.

PUKMEDIA