وتەبێژی یەکێتی: دەنگ بەو لایەنە بدەن کە خزمەتان دەکات

PUKMEDIA

وتەبێژی یەکێتیی نیشتمانیی کوردستان

وتەبێژیی یەکێتیی نیشتمانیی کوردستان رایگەیاند: داواکارم هاووڵاتیان بە جۆش و خرۆشەوە بچنە سەر سندوقەکانی دەنگدان و خۆشیان دەزانن دەنگ بە کێ دەدەن.

کاروان گەزنەیی وتەبێژیی یەکێتیی نیشتمانیی کوردستان لە دوای دەنگدانی خۆی لەیەکێک لە بنکەکانی دەنگدان  لە کۆنگرەیەکی رۆژنامەوانیدا رایگەیاند: ئەمڕۆ رۆژێکی گرنگ و مێژوویە بۆ ئەوەی هاوڵاتیانی هەرێم و عیراق تا بتوانن نوێنەری راستەقینەی خۆیان دیاری بکەن تا خزمەتیان بکات.

وتیشی: داواکارم هاووڵاتیان بە جۆش و خرۆشەوە بچنە سەر سندوقەکانی دەنگدان و خۆشیان دەزانن دەنگ بە کێ دەدەن و دەنگ بەلایەنێک دەدەن کە پێگەی گرنگی هەبووە بۆ چارەسەری کێشەکانی بودجە و مووچە و گوێ لێگیراوە لەبەغدا، دەنگی هاووڵاتیان کاریگەرییەکی راستەوخۆی دەبێت

ئەوەشی وت: یەکێتی ترسی نییە لە پێگەو دەنگەکانی، هیوادارین پرۆسەیەکی دیموکراسی و شەفاف بەڕێوەبچێت.

PUKMEDIA