وەفدی باڵای سۆسیال دیموکراتی سویدی سەردانی مەزاری سەرۆک مام جەلالیان کرد

راگەیاندنی مەکتەبی سکرتاریەتی سەرۆک مام جەلال

وەفدی باڵای سۆسیال دیموکراتی سویدی

وەفدی باڵای سۆسیال دیموکراتی سویدی سەردانی مەزاری سەرۆک مام جەلال ـیان کرد و لەلایەن ئەندامانی مەکتەبی سکرتارییەتەوە بە گەرمی پێشوازییان لێکرا و رایانگەیاند: سەرۆک مام جەلال قۆناغ بە قۆناغ وەک ئەندامێکی کاراو کاریگەر رۆڵی ئاشتیانەی دەگێڕا لە رۆژهەڵاتی ناوەڕاستدا .

ئەمڕۆ ٢٠٢٥/١١/١٠ بەڕێز تۆرگنی لارسۆن و وەفدی باڵای سۆسیال دیموکراتی سویدی سەردانی مەزاری سەرۆک مام جەلالیان کرد و دوای دانانی تاجەگوڵینەی رێزو وەفا تۆرگنی لارسۆن،لەدەفتەری یادەوەرییەکاندا رایگەیاند: بە ڕێزەوە باسی لەو رۆژگارانە کرد کە سەرۆک مام جەلال قۆناغ بە قۆناغ وەک ئەندامێکی کاراو کاریگەر رۆڵی ئاشتیانەی دەگێڕا لە رۆژهەڵاتی ناوەڕاستدا تا گەیشتە پلەی جێگری رێکخراوی سۆسیالیست ئینتەرناسیۆنال و ئێستاش جێگەی خۆشحاڵییە کە سەرۆک بافڵ جەلال تاڵەبانی درێژەی بەو کاروانە داوەو وەک سەرۆکی رێکخراوەکە درێژە بە خەباتی سەرۆک مام جەلال دەدات وەک سەرکردەیەکی گەنج و دیاری بە ئەزموونی ناوچەکە .

لەبەرامبەردا، مەکتەبی سکرتارییەتی سەرۆک مام جەلال سوپاسی ئەو پێزانینانەیاکرد کە بەڕێز تۆرگنی لارسۆن و وەفدی یاوەری ئاماژەیان پێدا  و باسیانلەوەکرد: هەمیشە بە چاوی ڕێزەوە دەڕوانینە هەموو ئەو کەسایەتی و لایەنانەی رۆڵیان هەبوە لە گەشەپێدانی پرۆسەی ئاشتی و هاوکاریکردنی سەرۆک مام جەلال لە گشت قۆناغەکانی خەباتدا لەناوخۆ و نێودەوڵەتیدا.

PUKMEDIA