ئاسۆ مامه‌ند: به‌هه‌مان گڕ‌وتینی ده‌نگدانی تایبه‌ت بچنه‌ سه‌ر سندوقه‌كانی ده‌نگدان

کوردستانی نوێ

ئاسۆ مامەند

ئاسۆ مامه‌ند سه‌رپه‌رشتیاری كه‌ركوك-سه‌ڵاحه‌دینی یه‌كێتیی نیشتمانیی كوردستان به‌بۆنه‌ی كۆتایی هاتنی ده‌نگدانی تایبه‌ت و ده‌ستپێكردنی ده‌نگدانی گشتی كه‌ بڕیاره‌ سبه‌ینێ ئه‌نجامبدرێت، په‌یامێك بڵاوده‌كاته‌وه‌و ئاماژه‌ بۆ ئه‌وه‌ده‌كات: "هه‌تا یه‌كێتی ئێوه‌ی هه‌بێت، كورد و كوردستان پارێزراو ده‌بێت.

ده‌قی په‌یامی هه‌ڤاڵ ئاسۆ مامه‌ند:

"هه‌تا یه‌كێتیی ئێوه‌ی هه‌بێت، كورد و كوردستان پارێزراو ده‌بێت"

هێزه‌كانی پێشمه‌رگه‌ و ناوخۆ، هێزه‌ ئه‌منیه‌كان و پارێزه‌رانی كوردستان و سه‌رجه‌م ده‌نگده‌رانی تایبه‌ت، به‌گه‌رمی پیرۆزبایی به‌ڕ‌ێوه‌چوونی ئه‌م پڕ‌ۆسه‌یه‌تان لێده‌كه‌م و سوپاسی یه‌ك به‌یه‌كتان ده‌كه‌م، بۆ ئه‌و جۆش و خرۆشه‌تان له‌پێناو سه‌رخستنی لیستی حزبه‌كه‌تان.

وه‌ك هه‌میشه‌ سه‌لمانتان پارێزه‌ری خاك و خه‌ڵكی كوردستان و یه‌كێتییه‌كه‌تانن، دڵنیام هه‌تا یه‌كێتیی ئێوه‌ی هه‌بێت كورد و كوردستان پارێزراو ده‌بێت و رێبازی مامیش ئاوه‌دان تر ده‌بێت.
متمانه‌ی ئێوه‌ی قاره‌مان و پارێزه‌رانی وڵات به‌ یه‌كێتییه‌كه‌تان، ته‌ئكیدكردنه‌وه‌یه‌ له‌سه‌ر ده‌سته‌به‌ركردنی مافه‌ یاسایی و ده‌ستورییه‌كانی كۆمه‌ڵانی خه‌ڵكی كوردستان و پارێزگاری كردن له‌ ده‌ستكه‌وته‌كانی میلله‌ته‌كه‌مان.

بۆیه‌ داواكارم هاووڵاتییانی خۆشه‌ویستی كه‌ركوك به‌ هه‌مان گڕ‌وتینه‌وه‌ بچنه‌ سه‌ر سندوقه‌كانی ده‌نگدان و روحی سه‌رۆك مام جه‌لال و شه‌هیده‌كان ئاسووده‌ بكه‌ن.
بۆ پێشه‌وه‌ به‌ره‌و سه‌ركه‌وتنی حزبی شه‌هیدان و تێكۆشه‌ران و ئاوه‌دانی.

ئاسۆ مامه‌ند 
سه‌رپه‌رشتیاری كه‌ركوك-سه‌ڵاحه‌دینی یه‌كێتیی نیشتمانیی كوردستان


PUKMEDIA