دەرباز کۆسرەت رەسوڵ: سندوقەکانی دەنگدان سەوزپۆش بکەن

PUKMEDIA

دەرباز کۆسرەت رەسوڵ

دەرباز کۆسرەت رەسوڵ لە پەیامێکدا سوپاسی هەموو ئەو کەسانە دەکات کەهەوڵی سەرخستنی لیستی 222ی یەکێتییان داوەو داواش لە دەنگدەران دەکات سندوقەکانی دەنگدان سەوز پۆش بکەن و نوێنەری راستەقینە هەڵبژێرن.

دەقی پەیامەکە...

به‌بۆنه‌ی كۆتایی هاتنی بانگه‌شه‌ی هه‌ڵبژاردنی ئه‌نجومه‌نی نوێنه‌رانی عیراق، سوپاسی هه‌موو ئه‌وانه‌ ده‌كه‌ین كه‌ دڵسۆزانه‌و خۆنه‌ویستانه‌ هه‌وڵی سه‌رخستنی لیستی یەکێتیی نیشتمانیی کوردستانیاندا.

ئێستا كاتی ئەوەیە هاووڵاتیان و خەمخۆرانی کوردو یەکێتی‌ له‌سه‌ر سندوقی ده‌نگدان ده‌نگ به‌ نوێنه‌ری راسته‌قینه‌ی خۆیان بده‌ن و سندوقه‌كان پڕبكه‌ن له‌ ده‌نگی سه‌وزی هیواو ئومێد بۆ ئەوەی هێزی ئێوەبین لە بەغداد.

هه‌روه‌ها زۆر سوپاسی هاوڵاتیانی هەرێمی كوردستان دەکەم كه‌ نه‌یانهێشت هه‌ڵمه‌تی هه‌ڵبژاردن برایه‌تی و پێكه‌وه‌ژیانمان بخاته‌ ژێر هه‌ره‌شه‌وه‌، چونکە دواجار‌ هه‌موومان بۆ مافه‌ ڕه‌واكانی خه‌ڵكی خۆمان تێدەکۆشین، ئاشتی و ته‌بایی ئومێدی هه‌موومانه‌.

كوردستانیانی ئازیز، هه‌ولێرییه‌ خۆشه‌ویسته‌كان، له‌ قۆناغێكی هه‌ستیارداین و پێویستە رۆژی 11ی 11 ئه‌وه‌تان لە بیربێت و‌ ئه‌و هێزه‌ هه‌ڵبژێرن كه‌ ده‌نگ و سه‌نگی ئێوه‌یه‌ له‌ به‌غدا.

بۆ هه‌مووانی بسه‌لمێنن كه‌ لیستی یه‌كێتی نیشتمانی كوردستان 222 هێزی ئێوه‌یه‌ له‌ به‌غدا.

دەرباز کۆسرەت رەسوڵ

PUKMEDIA