سۆسیال دیموکراتی سوید پشتیوانی لیستی 222ی یەکێتییە

PUKMEDIA

رزگار حاجی حەمەو وەفدێکی سۆسیال دیموکراتی سوید

وەفدێکی سۆسیال دیموکراتی سوید بۆ پشتگیری لە لیستی 222ی یەکێتیی نیشتمانیی کوردستان سەردانی مەکتەبی هەڵبژاردن دەکات.

سەرلەبەیانی ئەمڕۆ هەینی رێکەوتی 2025/11/7 رزگار حاجی حەمە ئەندامی مەکتەبی سیاسی و لێپرسراوی مەکتەبی هەڵبژاردن لە قەڵاچوالان پێشوازی لە وەفدێکی حزبی سۆسیال دیموکراتی سوید کرد کە مەبەستی پشتگیری لە لیستی 222ی یەکێتیی نیشتمانیی کوردستان، بە سەردانێکی چەند رۆژی گەیشتوونەتە کوردستان.

وەفدەکەی سۆسیالی دیموکراتی سوید کە بە یاوەری کادری پێشکەوتووی یەکێتی شۆڕش قادر ددانساز، سەردانەکە ئەنجام دەدەن پێکهاتوون لە تۆرگنی لارسۆن سەرۆکی ئەنجومەنی هەرێمی ئۆربرۆی سویدی، کارینا ئۆسکارسۆن سکرتێری سۆسیال دیموکراتی ئۆربرۆ، ئیلین لیەن لێپرسراوی پەیوەندییەکانی سۆسیال دیموکراتی ئۆربرۆ و سباستیان لیمیلیۆس ئەندامی مەڵبەندی ئۆربروی سۆسیال دیموکراتی سوید.

PUKMEDIA