قوباد تاڵەبانی: سەرکەوتنی زۆر گەورە بەدەست دەهێنین

راگەیاندنی قوباد تاڵەبانی

قوباد تاڵەبانى سەرپەرشتیاری بازنەی هەولێری لیستی 222ی یەکێتیی نیشتمانیی کوردستان

قوباد تاڵەبانى سەرپەرشتیاری بازنەی هەولێری لیستی 222ی  یەکێتیی نیشتمانیی کوردستان لەگەڵ هەڤاڵانی پێشمەرگە و خانەنشینانی پێشمەرگە و پێشمەرگە و تێکۆشەرە دێرینەکانی سنووری راپەڕین کۆبووەوە و رایگەیاند: دەرگای ماڵە گەورەکەی یەکێتی هەمیشە کراوەیە بەڕووی یەکێتییە زویربووەکان و بۆ هەڵبژاردنی ئەمجارەش سەرکەوتنی زۆر گەورە بەدەست دەهێنین.

قوباد تاڵەبانی لە کۆبوونەوەکەدا رایگەیاند: دەرگای ماڵە گەورەکەی یەکێتی هەمیشە کراوەیە بەڕووی یەکێتییە زویربووەکان، هەم ئەوان بەشێکن لە یەکێتی و هەم یەکێتی بەشێکە لە مێژوو و شوناسی ئەوان.

داواشی لێکردن بە هەمان روحی یەکێتییانە و پێشمەرگانەوە لەم ماوەیەدا یەکێتییە زویربووەکان ئاشت بکەنەوە و هانی خەڵک بدەن بۆ دەنگدان بە یەکێتی، چونکە ئەم یەکێتییەی ئێستا هەمان ئەو یەکێتییەیە هەمیشە داوایان کردووە و ئەو یەکێتییەیە کە خەڵک ئومێدی پێیەتی و دەتوانێت کێشەکان چارەسەر بکات.

قوباد تاڵەبانی دووپاتیشی کردەوە: یەکێتی هەم خاوەنی مێژوویەکی جوان و درەوشاوەیە و هەم توانای قەناعەت پێهێنانی هەیە، بۆیە تەنها مونافیسی یەکێتی هەر خۆیەتی و هەڵبژاردن لە دوای هەڵبژاردن چاوی لە سەرکەوتنی گەورەترە.

پەیوەست بە هەڵبژاردنی ئەمجارە ئاشکرای کرد: بە دڵنیاییەوە بەو پێشمەرگە و تێکۆشەر و جەماوەرە دڵسۆزەوە سەرکەوتنی زۆر گەورە بەدەستدەهێنین.

PUKMEDIA